ءوز حابارىمىز: گۋگۇڭ مۇراجايى قۇرىلعاندىعىنىڭ 100 جىلدىعى بايلانىسىمەن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10-ايدىڭ 27-كۇنى تۇستەن بۇرىن گۋگۇڭ مۇراجايىنا بارىپ، «عاسىرلىق قورعاۋ-زىجينچىڭنان گۋگۇڭ مۇراجايىنا دەيىن» اتتى كورمەنى ەكسكۋرسيالادى.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ەكسكۋرسيالاۋدا بىرگە بولدى.

ساعات 10 مولشەرىندە شي جينپيڭ قاتارلىلار گۋگۇڭ مۇراجايىنا كەلىپ، ىلگەرىندى ـ كەيىندى ۋمىن باتىس قانات ۇيلەر كورمە زالىنا، نەگىزگى عيماراتتىڭ كورمە زالىنا، شىعىس قانات ۇيلەر كورمە زالىنا بارىپ كورمەنى ەكسكۋرسيالادى. كورمە «تامىرلاس مادەنيەت شالقارى»، «100 جىلدىق مۇراگەرلىك»، «الۋان بوياۋ» دەگەن 3 بولەككە ءبولىنىپ، 200 نەشە باعالى مادەني ەسكەرتكىش حۇجاتى ارقىلى گۋگۇڭ مۇراجايىنىڭ 100 جىلدىق دامۋ بارىسى مەن قۇرىلىس جەتىستىكتەرى ايگىلەندى.

حاتكەرلىك، سۋرەت تۋىندىلارى، مىس قۇرالدار، قاس تاسى بۇيىمدارى، فارفور ىدىستار قاتارلىلار جۇڭحۋا ۇلتىنىڭ شۇعىلالى تاريحى مەن ۇزدىكسىز جالعاسىپ كەلە جاتقان مادەنيەت جۇلگەسىنىڭ كۋاسى. شي جينپيڭ تۇسىندىرمەنى مۇقيات تىڭداپ، ءالسىن-ءالى كىدىرىپ  ءدەن قويا كورىپ، قاتىستى جاعدايلاردى سۇراپ ۇعىستى. ول بىلاي دەپ انىق ايتتى: گۋگۇڭ مۇراجايىنا جۇڭحۋا ۇلتىنىڭ مادەنيەت گەنىن ساقتاۋ مىندەتى جۇكتەلگەن، ول جۇڭحۋا وركەنيەتىنىڭ ماڭىزدى بەلگىسى. گۋگۇڭ سارايىن ويداعىداي قورعاۋ، گۋگۇڭ سارايىنىڭ رولىن ويداعىداي ساۋلەلەندىرۋ مەملەكەتتىڭ زور ءىسى، گۋگۇڭ قىزمەتكەرلەرىنىڭ داڭقتى مىندەتى. جاڭا باستامادا گۋگۇڭ مۇراجايى تاڭداۋلى ءداستۇردى ساۋلەلەندىرىپ، مادەني مۇرالاردىڭ حالىققا ءتان بولۋىنا، حالىققا قىزمەت وتەۋىنە تاباندى بولىپ، مادەني مۇرالاردى قورعاۋدى، قالپىنا كەلتىرۋدى كۇشەيتىپ، مادەني مۇرالاردى جانداندىرىپ پايدالانۋ دەڭگەيىن جوعارىلاتىپ، گۋگۇڭ سارايىن ماڭىزدى وتانشىلدىق تاربيە بازاسىنا، دۇنيە ءجۇزىنىڭ جۇڭحۋا وركەنيەتىن، جۇڭحۋا ۇلتىن تۇسىنۋىندەگى ماڭىزدى تەرەزەگە اينالدىرۋ كەرەك.

لي شۋلەي جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ەكسكۋرسيالادا بىرگە بولادى.