ءوز حابارىمىز. ەلىمىزدىڭ تۇڭعىش ەلەكترو ماگنيتتىك سەرپىمدى ۇشىرۋ اۆياماتكاسى — فۋجيان اۆياماتكاسىن قوسىنعا ەنگىزۋ تۋ بەرۋ سالتى 11-ايدىڭ 5-كۇنى حايناننىڭ سان-يا قالاسىنداعى ءمالىم اسكەري پورتتا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قوسىنعا ەنگىزۋ تۋ بەرۋ سالتىنا قاتىناستى ءارى اۆياماتكاعا شىعىپ كوزدەن كەشىردى.

11-ايداعى سان-يادا شەتسىز دە شەكسىز كوك تەڭىزدە تولقىندار تۋلايدى، اسكەري پورتتا فۋجيان اۆياماتكاسى تەڭىزدە ايبىنمەن توقتاپ تۇر، ءتۇستى تۋلار جەلبىرەيدى، ونىڭ جانىنا شاندۇڭ اۆياماتكاسى ورنالاسقان. تەڭىز ارمياسى اسكەري بولىمدەرى مەن اۆياماتكا قۇرىلىسى ورىندارىنان كەلگەن 2000 نان استام ۋاكىل پورتتا رەتتى ساپ تۇزەپ تۇردى، ناق مايدان دابىرالى بەينەگە شومدى.

تۇستەن كەيىن ساعات 4 تەن 30 مينۋت وتكەندە، قوسىنعا ەنگىزۋ تۋ بەرۋ سالتى باستالدى، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى، بەس جۇلدىزدى قىزىل تۋ باياۋ كوتەرىلدى. قۇرمەت قاراۋىلى 1-تامىز ارميا تۋىن قورعاپ نىق قاداممەن ءتوراعالار مىنبەسىنىڭ الدىنا كەلدى. شي جينپيڭ 1-تامىز ارميا تۋىن فۋجيان اۆياماتكاسىنىڭ باستىعى، ساياسي كوميسسارعا بەردى. فۋجيان اۆياماتكاسىنىڭ باستىعى، ساياسي كوميسسارى شي جينپيڭگە قۇرمەت ءبىلدىرىپ، شي جينپيڭنىڭ قولىنان 1-تامىز ارميا تۋىن تاپسىرىپ الدى. شي جينپيڭ ولارمەن بىرگە سۋرەتكە ءتۇسىپ ەستەلىك قالدىردى. قوسىنعا ەنگىزۋ تۋ بەرۋ سالتى جۇڭگو حالىق ازاتتىق ارمياسىنىڭ ارميا انىمەن اياقتادى.

ساي چي، جاڭ گوچيڭ فۋجيان اۆياماتكاسىن قوسىنعا ەنگىزۋ تۋ بەرۋ سالتىنا قاتىناستى. جاڭ شىڭمين سالتتى باسقاردى.

شي جينپيڭ ەلىمىزدىڭ اۆياماتكا قۇرىلىسىنىڭ دامۋىنا باستان-اياق ايرىقشا نازار اۋدارىپ كەلەدى. سالت اياقتاعاننان كەيىن، شي جينپيڭ فۋجيان اۆياماتكاسىنا شىعىپ، ەلىمىزدىڭ اۆياماتكا قۇرىلىسىن دامىتۋ قىزمەتى جونىندەگى مالىمەتتى تىڭداپ، اۆياماتكا جۇيەسىنىڭ سوعىس جۇرگىزۋ قابىلەتىن سومداۋ، ەلەكتروماگنيتتىك سەرپىمدى ۇشىرۋ جۇيەسى قۇرىلىسىنىڭ قولدانىلۋى سياقتى جاعدايلاردى ۇعىستى.

ۇشىرۋ پالۋباسىندا 4 توسقاۋىلداۋ ارقانى، 3 سەرپىپ ۇشىرۋ ورنى ەرەكشە كوز تارتادى، جويعىش-35، جويعىش-15T، اۋە ساقشىسى-600 سياقتى جاڭا تۇرپاتتى اۆياماتكا ۇشاقتارى رەتى بويىنشا توقتاتىلعان. شي جينپيڭ پالۋبانىڭ يقۋاتتىق ورنالاسۋى جونىندەگى تانىستىرۋدى تىڭداپ، ءالسىن-ءالى كىدىرىپ، جابدىق-قۇرىلعىلاردى كوزدەن كەشىردى. شي جينپيڭ اۆياماتكا ۇشاعىنىڭ ۇشقىشتارىمەن ىقىلاسپەن اڭگىمەلەسىپ، ۇشاقتىڭ تەحنيكالىق، تاكتيكالىق قاسيەتىن جانە ەلەكتروماگنيتتىك سەرپىمدى ۇشىرۋ ەرەكشەلىگى مەن ارتىقشىلىعىن ەگجەي-تەگجەيلى سۇراستىرىپ، اۆياماتكانىڭ ۇشاقتى سەرپىمدى ۇشىرۋ بارىسى قويىلىمىن كوردى. الۋان ءتۇستى اسكەري كيىم كيگەن اۆياتسيالىق قامتاماسىزداندىرۋ قىزمەتكەرلەرى ءتوراعا شي جينپيڭنىڭ كەلگەنىن كورىپ، ارت-ارتىنان قاۋمالاي ورتاعا الىپ، ءتوراعا شي جينپيڭگە امانداسىپ، وزدەرىنىڭ قىزمەت ورىندارى مەن باستى مىندەتتەرىن مالىمدەدى. شي جينپيڭ كوپشىلىكتى كاسىپتىك شەبەرلىك پەن سوعىس جۇرگىزۋ قابىلەتىن ۇزدىكسىز جوعارىلاتىپ، فۋجيان اۆياماتكاسىنىڭ جاۋىنگەرلىك قۋاتى قۇرىلىسىنا ۇلەس قوسۋعا شابىتتاندىردى.

وسىدان كەيىن شي جينپيڭ فۋجيان اۆياماتكاسىنا بارىپ، مۇنارا تەكشەسىنە شىعىپ، ۇشۋعا قولباسشىلىق ەتۋ جانە ۇشىپ-قونۋ اينالىم جاعدايىن ۇعىستى. شي جينپيڭ ۇشقىش بولمەسىنە كىرىپ، كەزەكشىلىك شايقاس ورنىن كورىپ، ۇشۋ ەستەلىگىنە بايىپپەن قول قويدى. شي جينپيڭ فۋجيان اۆياماتكاسىنىڭ ەلەكتروماگنيتتىك سەرپىمدى ۇشىرۋ تەحنيكاسىن قولدانۋ جونىندە ءوزى شەشىم جاسادى. ول سەرپىمدى ۇشىرۋ ۋنيۆەرسال مەڭگەرۋ پۋنكتىنە كەلىپ، قىزمەت بارىسىن مۇقيات كوزدەن كەشىرىپ، سەرپىمدى ۇشىرۋ كنوپكاسىن باستى، پالۋباعا ورنالاستىرىلعان قوزعالتقىش  بەينە اتىلعان جەبەدەي اۆياماتكا باسىنا زىمىرادى. شي جينپيڭ اۆياماتكاداعى كوماندير-جاۋىنگەرلەردىڭ تۇرمىسىنا ايرىقشا كوڭىل ءبولىپ، اسحاناعا جانە اسكەرلەر بولمەسىنە ارنايى بارىپ، اس-سۋ جانە جاتىن ورىن قامتاماسىزدىعى جاعدايىن كوزدەن كەشىرىپ، اسكەرلەرمەن ىقىلاسپەن اڭگىمەلەسىپ، ءار دارەجەلى ورىندارعا ءار جاقتاعى قامتاماسىزدىقتى ويداعىداي ىستەپ، قالىڭ كوماندير-جاۋىنگەرلەردىڭ اسكەري ءبولىم قۇرىلىسىنا جانە سوعىسقا دايىندالۋعا، سوعىس جۇرگىزۋگە اناعۇرلىم ويداعىداي ات سالىسۋىنا مۇمكىندىك جاساۋدى تاپسىردى.

اتتاناردا اۆياماتكاداعى كوماندير-جاۋىنگەرلەر قيماستىق سەزىممەن ۇشىرۋ الاڭقىسىندا جانە پورتتا رەتتى ساپ تۇزەپ، ءتوراعا شي جينپيڭگە قۇرمەت ءبىلدىرىپ، «پارتيانىڭ قولباسشىلىعىنا بويسۇنامىز، جەڭىستى شايقاس جۇرگىزەمىز، تاماشا ستيلدى ساقتايمىز» دەپ بىركەلكى داۋىسپەن ىزەت ءبىلدىردى.

فۋجيان اۆياماتكاسى − ەلىمىزدىڭ تۇڭعىش ەلەكتروماگنيتتىك سەرپىمدى ۇشىرۋ اۆياماتكاسى، سونداي-اق ەلىمىزدىڭ 3-اۆياماتكاسى،   ءنومىرى «18»، 2022-جىلى 6-ايدا رەسمي تەڭىزگە ءتۇسىرىلىپ، ات قويىلعان. فۋجيان اۆياماتكاسىن ەلىمىز بۇكىلدەي دەربەس جوبالاپ جاساعان، ونىڭ ەلەكتروماگنيتتىك سەرپىمدى ۇشىرۋ تەحنيكاسى دۇنيە جۇزىلىك وزىق ورەدە. 

ورتالىق پەن مەملەكەت ورگاندارىنىڭ قاتىستى تاراۋلارىنداعى، اسكەري ىستەر كوميتەتى ورگانىنىڭ قاتىستى تاراۋلارىنداعى، وڭتۇستىك سوعىس رايونىنداعى، تەڭىز ارمياسىنداعى، حاينان ولكەسىندەگى، سونداي-اق اۆياماتكا قۇرىلىسى ورىندارىنداعى جاۋاپتى جولداستار سالتقا قاتىناستى.