ءوز حابارىمىز: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا گۋاڭدۇڭدا قىزمەت تەكسەرگەندە مىنالاردى باسا دارىپتەدى: گۋاڭدۇڭ رەفورما جاساپ-ەسىك اشۋدىڭ اتويشىسى، الدىمەن اتقارىلاتىن جەر، تاجىريبە رايونى. پارتيا 20 ـ كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتەندىرىپ، الداعى 5 جىلداعى نىسانالاردى، مىندەتتەردى جانە شارالاردى عىلمي جوسپارلاپ، رەفورما جاساۋ-ەسىك اشۋدى جالپى بەتتىك تەرەڭدەتۋ ارقىلى جوعارى ساپالى دامۋدى ىلگەرىلەتۋ كەرەك. باياندى ۇلەس قوسىپ، گۋاڭدۇڭ ـ شياڭگاڭ ـ اۋمىن ۇلكەن شىعاناق رايونى قۇرىلىسىن ىلگەرىلەتىپ، پارتيانى جالپى بەتتىك قاتاڭ باسقارۋدى ىشكەرىلەتىپ، وسىزامانداندىرۋ قۇرىلىسىندا ۇزدىكسىز تىڭ تابىستارعا قول جەتكىزۋ كەرەك.

11-ايدىڭ 7-، 8-كۇندەرى شي جينپيڭ ج ك پ ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى حۋاڭ كۇنميڭ مەن ولكە باستىعى مىڭ فانليدىڭ سەرىك بولۋىندا ىلگەرىندى-كەيىندى مەيجوۋعا، گۋاڭجوۋعا بارىپ قىزمەتتەردى تەكسەرىپ، تەكسەرۋ-زەرتتەۋ جۇرگىزدى.

11-ايدىڭ 7-كۇنى تۇستەن كەيىن شي جينپيڭ ميجوۋ قالاسى ميشيان رايونى يان-ياڭ قالاشىعىنداعى يە جيان-يىڭ ەسكەرتكىش باقشاسىنا باردى. يە جيان-يىڭ ەسكەرتكىش سارايىندا شي جينپيڭ يە جيان-يىڭنىڭ مىس ءمۇسىنى الدىنا گۇل شارباق قويىپ، يە جيان-يىڭ ىزگى ىستەرى كورمەسىن، وسىدان كەيىن يە جيان-يىڭنىڭ بايىرعى تۇراعىن ەكسكۋرسيالادى. شي جينپيڭ مىنالاردى باسا دارىپتەدى: ءبىزدىڭ بۇگىنگى قول جەتكىزگەن ۇلى تابىستارىمىزدىڭ بارلىعى ماۋ زىدۇڭ قاتارلى اعا بۋىن توڭكەرىسشىلەردىڭ قان مەن تەر بوداۋىنا كەلگەن، سولاردىڭ ۇشەن-تەڭىز ەڭبەكتەرى نەگىزىندە قۇرىلعان. پارتيا تاريحى ۇگىت ـ تاربيەسىمەن ۇشتاستىرىپ، اعا بۋىن پرولەتاريات توڭكەرىسشىلەرىنىڭ حيكاياسىن ويداعىداي بايانداپ، قالىڭ كادرلار مەن بۇقارانى، اسىرەسە، جاستار مەن ورەندەردى توڭكەرىستىك گەندى جالعاستىرۋعا، توڭكەرىستىك مۇراتتى جالعاستىرۋعا، پارتيانىڭ سوزىنە ماڭگى قۇلاق اسۋعا، پارتياعا ماڭگى ىلەسۋگە تاربيەلەۋ، جەتەكتەۋ كەرەك.

تسيترۋس ميجوۋدىڭ ەرەكشە اۋىل شارۋاشىلىق ءونىمى. قازىر ءدال ءونىم الاتىن مەزگىل، بيىل تسيترۋس اعاشتارى مول جەمىس بەردى. شي جينپيڭ يان-ياڭ قالاشىعى نانفۋ تسيترۋس ەگىمشىلىك بازاسىنا كەلىپ، كورمە زالىندا گۋاڭدۇڭنىڭ توڭكەرىستىك بايىرعى رايونداردى قولداۋ سەرپىنىن ارتتىرۋ، اۋىل ـ قىستاقتى جالپى بەتتىك كوركەيتۋدى ىلگەرىلەتۋ قاتارلى جاعدايلارى جونىندەگى مالىمەتتى تىڭداپ، تسيترۋس جانە ونىڭ وڭدەلگەن ونىمدەرىن، مادەنيەت جاسامپازدىعى ونىمدەرىن كوردى. ول جەمىس باعىنا كىرىپ، جەمىس ەگەتىن ديقاندارمەن جانە اۋىل شارۋاشىلىق تەحنيكتەرىمەن ىقىلاستى اڭگىمەلەستى. بيىل تسيترۋستان مول ءونىم الىنعاندىعىن، ساتىلىم جولىنىڭ ىركىلىسسىز ەكەنىن ءبىلىپ شي جينپيڭ توتەنشە قۋاندى. ول بىلاي دەپ انىق ايتتى: اۋىل ـ قىستاقتىڭ ەرەكشە كاسىبىن دامىتۋ اۋىل ـ قىستاقتى جالپى بەتتىك كوركەيتۋدى ىلگەرىلەتۋدىڭ نەگىزى، عىلىم ـ تەحنيكانى قولدانۋدى كۇشەيتىپ، اۋىل شارۋاشىلىعى، مادەنيەت، ساياحات ىستەرىنىڭ توعىسۋىن ىلگەرىلەتىپ، كاسىپ تىزبەگىن ۇزدىكسىز ۇزارتىپ، قوسىمشا قۇندى ارتتىرىپ، ءتىپتى دە كوپ شارۋالار بۇقاراسىنىڭ كىرىسىن ارتتىرىپ، اۋقاتتانۋىنا جەتەكشىلىك ەتۋ كەرەك.

اتتاناردا شي جينپيڭ قىستاق تۇرعىندارىمەن ىقىلاستى تۇردە قوشتاستى. ول بىلاي دەپ قاداعالاي تاپسىردى: پارتيا مەن ۇكىمەت بايىرعى رايونداردى ساياساتتىق جاقتان سۇيەمەلدەۋدى ۇزدىكسىز كۇشەيتۋدى، بايىرعى رايونداعى قالىڭ كادرلار مەن بۇقارا ءبىر نيەتپەن سەلبەسىپ، قايراتتانا العا ۇمتىلۋ كەرەك. ول اۋىلداستاردىڭ تۇرمىسىنىڭ تسيترۋس سياقتى جەمىستى ءارى كوركەم بولۋىن تىلەدى.

11-ايدىڭ 8-كۇنى تۇستەن بۇرىن شي جينپيڭ گۋاڭجوۋدا گۋاڭدۇڭنىڭ عىلىم ـ تەحنيكادا جاڭالىق جاراتۋ جانە كاسىپ سالاسىندا جاڭالىق جاراتۋ، توعىسپالى دامۋ جەتىستىكتەرى كورمەسىن كوردى. وسىدان كەيىن گۋاڭدۇڭ ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭدادى. ول گۋاڭدۇڭدا ءار قايسى جاقتاردا قول جەتكەن تابىستاردى تۇراقتاندىرىپ، كەلەسى قادامداعى قىزمەتتەرگە تالاپ قويدى.

شي جينپيڭ بىلاي دەپ انىق ايتتى: پارتيا 20 ـ كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتەندىرۋ-كەزەكتەگى جانە بۇدان بىلايعى ءبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى. كوپ ساتىلى، كوپ ارنالى ۇگىت ـ لەكسيا كۋرسى ارقىلى قالىڭ كادرلار مەن بۇقارانى يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرۋگە جەتەكتەپ، ورتاق تانىمدى ونان ارى كۇشەيتىپ، سەنىمدى بەكەمدەپ، كۇش-قايراتتى ارتتىرۋ كەرەك. پارتيا ورتالىق كوميتەتىنىڭ رۋحىن دۇرىس يگەرىپ، كادرلار مەن بۇقارا نازار اۋدارىپ وتىرعان ماسەلەلەرگە قاراتا كۇدىك ـ كۇمانداردى ارىلتۋ كەرەك. گۋاڭدۇڭ ەكونوميكالىق ءىرى ولكە جانە دامىعان رايون رەتىندە، «15-بەسجىلدىق» جوبانى جاساعاندا جوعارى دەڭگەي، جالپى جاعداي بولۋى، الدا ءجۇرۋ، ۇلگى كورسەتۋ، مىعىم تىرەك بولۋ جاۋاپكەرشىلىگى ايگىلەنۋى كەرەك.

شي جينپيڭ مىنالاردى باسا دارىپتەدى: گۋاڭدۇڭدا جاڭالىق جاراتۋ باسىمدىعىن ارتتىرىپ، تىڭ قامال الۋدى جۇزەگە اسىرۋدا، ءسوز جوق، رەفورما جاساۋ-ەسىك اشۋ رۋحىن، ەرەكشە رايون رۋحىن بارىنشا ساۋلەلەندىرىپ، رەفورما جاساۋ-ەسىك اشۋدى جالپى بەتتىك تەرەڭدەتۋ ارقىلى جوعارى ساپالى دامۋدى ىلگەرىلەتۋ كەرەك. ءونىمدى بازار جانە  ىسكەر ۇكىمەتتى ۇشتاستىرۋعا تاباندى بولىپ، ءتۇرلى مەنشىكتەگى شارۋاشىلىقتىڭ ابزالدىلىقتار ارقىلى ءوزارا تولىقتاۋىن، بىرلىكتە دامۋىن جەبەۋ كەرەك. جاڭا ساپالى وندىرگىش كۇشتەردى دامىتۋدى كوزدە ۇستاپ، عىلىم ـ تەحنيكادا جاڭالىق جاراتۋ مەن كاسىپ سالاسىندا جاڭالىق جاراتۋدىڭ ىشكەرىلەي توعىسۋىن كۇشەيتىپ، حالىقارالىق باسەكەلىك قۋاتقا يە وسىزاماندانعان كاسىپ جۇيەسىن قۇرۋ كەرەك. وڭىرلەردىڭ سايكەستى دامۋى، قالا مەن اۋىلدىڭ توعىسپالى دامۋى ءتۇزىلىس مەحانيزمىن، نەگىزگى الەۋمەتتىك قىزمەت وتەۋ ءتۇزىمى جۇيەسىن كەمەلدەندىرىپ، ورتاق اۋقاتتانۋدى تىڭعىلىقتى ىلگەرىلەتۋ كەرەك. تۇزىمدىك ەسىك اشۋدى ورنىقتى كەڭەيتىپ، ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن ىشكەرىلەي اتقارىپ، «ءبىر بەلدەۋ، ءبىر جولدى» ورتاق قۇرۋمەن تەرەڭ توعىستىرۋ كەرەك. ىشكە ەسىك اشۋدى ۇزدىكسىز مىقتى يگەرىپ، ءوز جەرىنىڭ كاسىپ سالاسىندا بۇرىلىس جاساپ ساپالاندىرۋدى جەبەۋمەن بىرگە، ورتا، باتىس بولەكتەگى رايونداردىڭ كاسىپ سالاسىنىڭ دامۋىن جەبەۋ كەرەك.

شي جينپيڭ مىنالاردى انىق ايتتى: گۋاڭدۇڭ ـ شياڭگاڭ ـ اۋمىن ۇلكەن شىعاناق رايونىن قۇرۋ گۋاڭدۇڭ جونىنەن ءارى كەلەلى جاۋاپكەرشىلىك، ءارى تاپتىرماس دامۋ ورايى. ومىرشەڭدىك كۇشكە جانە حالىقارالىق باسەكەلىك قۋاتقا باي ماڭداي الدى شىعاناق رايونىن جانە دۇنيە جۇزىلىك دەڭگەيدەگى قالالار شوعىرىن قۇرۋ نىساناسىن كوزدەپ، ءبىر جاعادان باس، ءبىر جەڭنەن قول شىعارىپ، ورنىقتى ىستەپ ورنىقتى ىلگەرىلەپ، ءتۇيىندى تۇردە قامال الۋدى، جالپى بەتتىك ىلگەرىلەتۋدى قۇلشىنا جۇزەگە اسىرۋ كەرەك. گۋاڭدۇڭ-شياڭگاڭ-اۋمىن سەلبەستىگىن كۇش سالا تەرەڭدەتىپ، عىلىم-تەحنيكادا جاڭالىق جاراتۋ سەلبەستىگى مەن نەگىزدىك قۇرىلعىلاردى ۇلاستىرۋدى، تۇتاستىرۋدى كۇشەيتىپ، ەرەجە-مەحانيزمدەردى «يكەمدى ۇلاستىرۋدى» ىلگەرىلەتىپ، زاڭ شىعارۋ، زاڭ اتقارۋ، ءادىليا بۋىندارىنىڭ جالپى بارىستىق سەلبەستىگىن كۇشەيتىپ، بازاردىڭ ءبىر تۇلعالانۋ دەڭگەيىن ءونىمدى جوعارىلاتىپ، قونىستانۋعا، كاسىپكە، ساياحاتقا قولايلى ساپالى تۇرمىس شەڭبەرىن قۇرىپ، شياڭگاڭ مەن اۋمىننىڭ مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋىن جانە وعان قىزمەت وتەۋىن قولداۋ كەرەك.

گۋاڭدۇڭ نەگىزگى كۇش جانە پاراۆوز رولىن ساۋلەلەندىرىپ، ءار جاقتىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، قالىڭ كاسىپورىنداردىڭ، كاسىپتىك قىزمەت وتەۋ قۇرىلىمدارىنىڭ، جوعارى مەكتەپتەردىڭ، عىلمي زەرتتەۋ قۇرىلىمدارىنىڭ جانە ءتۇرلى دارىندىلاردىڭ رولىن ساۋلەلەندىرۋ كەرەك.

شي جينپيڭ مىنالاردى باسا دارىپتەدى: گۋاڭدۇڭ قىزمەتىن جاقسى ىستەۋ ءۇشىن، ءسوز جوق، پارتيا باسشىلىعىن كۇشەيتۋ، پارتيانى جالپى بەتتىك قاتاڭ باسقارۋدى ىلگەرىلەتۋ كەرەك. كادرلار سىندى شەشۋشى فاكتوردى مىقتى يگەرىپ، باسشىلىق القانى ۇزدىكتەردەن تاڭداپ، پارتيالىلىعى بەرىك، كوز اياسى كەڭ، جاڭالىق جاراتۋعا شەبەر، شىنايى يگەرىپ، ناقتى ىستەيتىن كادرلار قوسىنىن قۇرۋ كەرەك. ستيلدى دۇرىستاپ، ءتارتىپتى قاتايتۋدى ۇقىق اينالىمىنىڭ تۇتاس بارىسىنا ءسىڭىرىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇتاس ىلگەرىلەتىپ، ستيلى پاك، سالتى دۇرىس ساياسي ەكولوگيا ارقىلى تاماشا دامۋ ورتاسىن قالىپتاستىرۋعا جەتەكشىلىك ەتۋ كەرەك.

شي جينپيڭ بىلاي دەپ انىق ايتتى: قازىر جىل سوڭىنا دەيىن تاعى ءبىر ايدان استام ۋاقىت بار، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دالمە ـ ءدال تياناقتاندىرىپ، جۇمىستاندىرۋدى ورنىقتىرۋعا، كاسىپورىندى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا كۇش سالىپ، حالىققا تيىمدىلىك جاساۋ ساياساتتارىن جالپى بەتتىك تياناقتاندىرىپ، ءوندىرىس حاۋىپسىزدىگى مەن ورنىقتىلىقتى قورعاۋ قىزمەتىن ويداعىداي ىستەپ، تۇتاس جىلدىق نىسانا ـ مىندەتتەردى قۇلشىنا ورىنداۋ كەرەك.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.

حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.