ءوز حابارىمىز. 7-ايدىڭ 16-كۇنى تۇستەن كەيىن مەملەكەت ءتوراعاسى شي جينپيڭ شاڭحاي شي-جياۋ قوناق ۇيىندە 2026 دۇنيە جۇزىلىك جاساندى زەردە جينالىسىنا جانە جاساندى زەردەنى الەمدىك باسقارۋ جوعارى دارەجەلى ماجىلىسىنە قاتىناسۋ ءۇشىن جۇڭگوعا كەلگەن قازاقستاننىڭ زۇڭتۇڭى توقايەۆپەن كەزدەستى.

شي جينپيڭ مىنالاردى اتاپ كورسەتتى: دۇنيە جۇزىندە 100 جىلدا بولماعان وزگەرىس جاعدايى تەرەڭ دە كۇردەلى بولۋدا. جۇڭگو-قازاقستان قاتىناسى سىن-سىناقتار بارىسىندا ۇزاق ۋاقىت بەكەمدەلدى، ەكى ەلدىڭ ماڭگىلىك جان-جاقتى ستراتەگيالىق سەرىكتەستىك قاتىناسى جوعارى دەڭگەيلى اينالىمدى ساقتاپ، وراسان زور سەلبەستىك كومەسكى كۇشى مەن كەڭ دامۋ كەڭىستىگىن ايگىلەدى. جۇڭگو جاڭا عانا جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتادى. جۇڭگو كوممۋنيستىك پارتياسىنىڭ كۇرەس بارىسىندا ۇزدىكسىز شۇعىلالى ناتيجە جاراتا الۋى، تاريح پەن حالىقتىڭ جۇڭگو كوممۋنيستىك پارتياسىن تاڭداۋى، تۇپتەپ كەلگەندە، جۇڭگو كوممۋنيستىك پارتياسىنىڭ اقيقاتقا تالپىنۋ، حالىققا تەرەڭ تامىر تارتۋ، تاريحي بورىشتى باتىلدىقپەن ارقالاۋ، دامۋ اعىمىنا سايكەسۋ، كۇرەس جۇرگىزۋگە شەبەر بولۋ، ءوزىن كۇشەيتۋگە ءمان بەرۋ سياقتى تاڭداۋلى ەرەكشە قاسيەتتەرگە يە بولعاندىعىندا. بۇل جۇڭگو كوممۋنيستىك پارتياسىنىڭ نە ءۇشىن ىسكەر ەكەندىگىنىڭ شەشۋشى قۇپيا سيفرى.

شي جينپيڭ مىنالاردى اتاپ كورسەتتى: قازاقستان جالپى بەتتىك رەفورمانى كۇش سالا ىلگەرىلەتۋدە، بۇل مەملەكەتتىڭ بولاشاعىن كوزدە ۇستاي وتىرىپ جاسالعان ستراتەگيالىق جوبا. جۇڭگو مەن قازاقستان دامۋ ستراتەگياسى مەن ساياساتىن ۇشتاستىرۋدى كۇشەيتىپ، ناقتى سەلبەستىك دەڭگەيىن ۇزدىكسىز جوعارىلاتىپ، بىرگە دامۋعا دەم بەرىپ، جۇڭگو مەن قازاقستاننىڭ ستراتەگيالىق سەلبەستىگىنىڭ ۇزدىكسىز تىڭ ساتىعا كوتەرىلۋىن، تىڭ تابىستارعا قول جەتكىزۋىن ىلگەرىلەتۋى كەرەك.

شي جينپيڭ مىنالاردى باسا دارىپتەدى: جۇڭگو مەن قازاقستاننىڭ جان-جاقتى سەلبەستىگىن تاباندىلىقپەن ىلگەرىلەتۋ ەكى ەلدىڭ جانە ەكى ەل حالقىنىڭ ءتۇبىرلى مۇددەسىنە ۇيلەسەدى. ەكى جاق ساۋدا جاعىنداعى جاڭالىق اشا دامۋىن ىلگەرىلەتىپ، ساۋدا قۇرىلىمىن ساپالىلاندىرىپ، شەكارا اتتاعان ەلەكتروندىق ساۋدانىڭ، قىزمەت وتەۋ ساۋداسىنىڭ جاڭا كاسىپ كۇيىن جەتىلدىرۋى؛ ەنەرگيا، كەن ونىمدەرى سەلبەستىگىن كەڭەيتىپ، ءتۇيىندى نىسانداردىڭ تياناقتانىپ اتقارىلۋىن جەدەل ىلگەرىلەتۋى؛ ءوزارا بايلانىس قۇرىلىسىن ىلگەرىلەتىپ، ءتىپتى دە كوپ تىكە قاتىنايتىن كەزەكشى ۇشاقتاردى كوبەيتىپ، حالىقارالىق تاس جول تاسىمالىنىڭ قولايلىلانۋ دەڭگەيىن جوعارىلاتۋى؛ «جۇڭگو-قازاقستان مادەنيەت اۋىس-كۇيىس جىلىن» ويداعىداي وتكىزىپ، وقۋ-اعارتۋ، عىلىم-تەحنيكا، ەمدەۋ، دەنساۋلىق ساقتاۋ، دەنە تاربيە، مەديا سياقتى جاقتارداعى سەلبەستىكتى كۇشەيتىپ، ۇرپاقتان-ۇرپاققا جالعاسقان دوستىقتىڭ نەگىزىن بەكەمدەۋى كەرەك. جۇڭگو قازاقستانمەن بىرگە 4 ءىرى الەمدىك دارىپتەمەنى امالياتتا ايگىلەپ، ب م ۇ، شاڭحاي سەلبەستىك ۇيىمى، جۇڭگو-ورتا ازيا مەحانيزمى سياقتى كوپ جاقتى مەحانيزمدە سايكەسۋ مەن سەلبەسۋدى كۇشەيتىپ، حالىقارالىق تەڭدىك پەن ادىلدىكتى بىرگە قورعاۋدى قالايدى.

توقايەۆ بىلاي دەدى: شاڭحاي سىندى جاڭالىقشىل ومىرشەڭدىك كۇشكە تولى قالاعا كەلىپ دۇنيە جۇزىلىك جاساندى زەردە جينالىسىنا قاتىناساتىنىما توتەنشە قۋانىشتامىن. جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قىزۋ قۇتتىقتايمىن، جۇڭگونىڭ ءتوراعا شي جينپيڭنىڭ دانىشپان باسشىلىعىندا دۇنيەنى جالت قاراتقان دامۋ جەتىستىكتەرىنە قول جەتكىزگەندىگىن قۇتتىقتايمىن. قازاقستان جۇڭگومەن قاتىناسىن قازاقستان ديپلوماتياسىنىڭ ماڭداي الدى باعىتى دەپ قارايدى، جۇڭگومەن ماڭگىلىك جان-جاقتى ستراتەگيالىق سەرىكتەستىك قاتىناستى ۇزدىكسىز كۇشەيتۋگە كۇش سالادى. قازاقستان جاق جۇڭگو جاقپەن ءتوراعا شي جينپيڭنىڭ ەكى جاقتى قاتىناستى دامىتۋ جونىندەگى ماڭىزدى پىكىرىن بەلسەنە تياناقتاندىرۋعا بۇكىلدەي قوسىلادى ءارى جۇڭگو جاقپەن جوعارى جىكتەگىلەردىڭ بارىس-كەلىسىن جيىلەتىپ، ساۋدا، قارجى قوسۋ، قاتىناس، ەنەرگيا، اۋىل شارۋاشىلىعى، سيفرلى ەكونوميكا سياقتى جاقتارداعى ناقتى سەلبەستىكتى كۇشەيتىپ، گۋمانيتارلىق اۋىس-كۇيىستى جەبەپ، ەكى ەل قاتىناسىنىڭ دامۋىندا اناعۇرلىم كوپ ناقتى جەتىستىكتەرگە قول جەتكىزۋدى ءۇمىت ەتەدى. قازاقستان ءتوراعا شي جينپيڭ العا قويعان 4 ءىرى الەمدىك دارىپتەمەنى جانە ادامزاتتىڭ تاعدىرلاس ورتاق تۇلعاسىن قۇرۋ تانىمىن ايرىقشا القايدى جانە قولدايدى، جۇڭگومەن ب م ۇ، شاڭحاي سەلبەستىك ۇيىمى، جۇڭگو-ورتا ازيا مەحانيزمى، ازيا ءوزارا ىقپالداستىق جانە سەنىم شارالارى ءماجىلىسى سياقتى كوپ جاقتى تەكشەلەردە جوعارى دەڭگەيلى سەلبەستىكتى ۇزدىكسىز ساقتاپ، جاساندى زەردەنىڭ الەمدىك باسقارۋ سەلبەستىگىن بەلسەنە ورىستەتىپ، دۇنيە ءجۇزىنىڭ باياندى دامۋى جانە بەيبىت ورنىقتىلىعىن بىرگە جەبەۋدى قالايدى.

كەزدەسۋدەن كەيىن، ەكى ەل باسشىلارى ەكونوميكا-ساۋدا، قاتىناس، قازىنا، مەديا سياقتى سالالارداعى كوپتەگەن سەلبەستىك قۇجاتتارىنا قول قويۋعا جانە ونى جاريالاۋعا بىرگە كۋا بولدى.

ساي چي، ديڭ شۋەشياڭ، ۋاڭ ي، چىن جينيڭ قاتارلىلار جوعارىداعى قيمىلدارعا قاتىناستى.