7-ايدىڭ 17-كۇنى تۇستەن بۇرىن، مەملەكەت ءتوراعاسى شي جينپيڭ شاڭحاي دۇنيە جۇزىلىك قوناق ۇيىندە 2026 دۇنيە جۇزىلىك جاساندى زەردە جينالىسىنا جانە جاساندى زەردەنى الەمدىك باسقارۋ جوعارى دارەجەلى ءماجىلىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى.

شي جينپيڭ مىنالاردى اتاپ كورسەتتى: تاراپتاردىڭ بىرگە قۇلشىنۋىندا، دۇنيە جۇزىلىك جاساندى زەردە سەلبەستىك ۇيىمى شاڭحايدا جارىق كوردى. بۇل جۇڭگونىڭ دۇنيە ءجۇزى وڭتۇستىگىندەگىلەرگە ءۇن قوسىپ، حالىقارالىق قوعامدى ىنتىماقتاستىرىپ، جاساندى زەردەنى دامىتۋدى جانە باسقارۋدى بەلسەنە ىلگەرىلەتۋدەگى ماڭىزدى شاراسى، بۇل جاساندى زەردەنىڭ دامۋ تاريحىنداعى ماڭىزدى ءبىر بەلەسكە اينالادى.

شي جينپيڭ مىنالاردى جاريالادى: الەمدىك جاساندى زەردەنىڭ دامۋىن اناعۇرلىم قولداۋ، الەمدىك جاساندى زەردە قۋاتى قۇرىلىسىن ىلگەرىلەتۋ ءۇشىن، الداعى 5 جىلدا جۇڭگو دامۋ ۇستىندەگى ەلدەرگە جاساندى زەردە ارناۋلى تاقىرىپتىق كۋرس ارقىلى 5000 ادام تاربيەلەپ بەرەدى؛ شىعىس وڭتۇستىك ازيا ەلدەرى وداعىنا، اراب ەلدەرى وداعىنا، افريكا وداعىنا، لاتىن امەريكاسى ورتاق تۇلعاسىنا، شاڭحاي سەلبەستىك ۇيىمىنا، بريكس ەلدەرىنە باعىتتاي وتىرىپ، حالىقارالىق جاساندى زەردە قولدانۋ سەلبەستىك ورتالىعىن قۇرادى؛«مازۋ» اتىنداعى اۋا رايىنان زەردەلى ساقتىق سيگنال بەرۋ جوباسىنىڭ 30 مەملەكەتتە تياناقتانىپ قولدانىلۋىن جەبەپ، بارلىق وتباسىنىڭ اماندىعىن، تىنىشتىقتى قورعايدى.