ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا نەگىزدىك وقۋ-اعارتۋ قىزمەتى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: پارتيا 18-قۇرىلتايىنان بەرى، پارتيا ورتالىق كوميتەتى نەگىزدىك وقۋ-اعارتۋدى نەگىزدىك، جەتەكشى قىزمەت رەتىندە يگەرىپ، كوپ ءتۇرلى شارانى قاتار قولدانىپ، نەگىزدىك وقۋ-اعارتۋدىڭ قارىشتاي دامۋىن ىلگەرىلەتىپ، وقۋ-اعارتۋدا قۋاتتى ەل قۇرۋعا پارمەندى تىرەك ازىرلەدى. 

شي جينپيڭ مىنالاردى باسا دارىپتەدى: جاڭا جورىقتا، جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ وقۋ-اعارتۋ باعىتىن جاپپاي دايەكتىلەندىرىپ، ءمورال ارقىلى ادام تاربيەلەۋ ءتۇبىرلى مىندەتىن تياناقتاندىرىپ، پارتيانىڭ جاڭالىق اشۋ نازارياسىمەن رۋحتى سومداۋعا، ادام تاربيەلەۋگە تاباندى بولىپ، احىلاق، اقىل-وي، دەنە، ەستەتيكا، ەڭبەك جاعىنان جان-جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن تاربيەلەۋ كەرەك. وقۋ-اعارتۋ زاڭدىلىعىنا بويسۇنىپ، سالاماتتىقتى ءبىرىنشى ورىنعا قويۋ تاربيە تانىمىن تياناقتاندىرىپ، وقۋ-اعارتۋ، وقىتۋ ساپاسىن جوعارىلاتىپ، قالىڭ وقۋشىلاردىڭ دەنساۋلىق اقاۋسىزدىعىن، ەسەيىپ-ەرجەتىپ، جارامدى ادام بولۋىن جەبەۋ كەرەك. حالىق بۇقاراسىنىڭ جاڭا تىلەگىنە سايكەسىپ، نەگىزدىك وقۋ-اعارتۋدى جاقسارتىپ، ساپاسىن جوعارىلاتۋدى ىلگەرىلەتىپ، وقۋ-اعارتۋ ادىلدىگىنىڭ تومەنگى شەگىن مىقتاپ ساقتاۋ كەرەك. اعارتۋشىلار رۋحىن اسقاقتاتىپ، ۇستازدىق ءمورال، ۇستازدىق ستيل قۇرىلىسىن كۇشەيتىپ، جوعارى ساپالى، ماماندانعان وقىتۋشىلار قوسىنىن باۋلۋ، جەتىلدىرۋ كەرەك. ءار دارەجەلى پارتكومدار مەن ۇكىمەتتەر ساياسي جاۋاپكەرشىلىكتى شىنايى ارقالاپ، مەكتەپ باسقارۋ بايلىعىن ورنالاستىرۋدى ساپالاندىرىپ، وقۋ-اعارتۋ جالپىلىق رەفورماسىن تەرەڭدەتىپ، مەكتەپ، وتباسى، قوعام بىرگە كۇش سالۋدى ىلگەرىلەتىپ، نەگىزدىك وقۋ-اعارتۋدى جوعارى ساپالى دامىتۋدىڭ جاڭا جاعدايىن ۇزدىكسىز جاراتۋ كەرەك. 

نەگىزدىك وقۋ-اعارتۋ قىزمەتى جونىندەگى مەملەكەتتىك ءماجىلىس 7-ايدىڭ 22-كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ماجىلىسكە قاتىناستى ءارى ءسوز سويلەدى. 

ديڭ شۋەشياڭ سوزىندە مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە بولىپ، جاڭا ءداۋىر، جاڭا جورىقتا نەگىزدىك وقۋ-اعارتۋ قىزمەتىن ويداعىداي ىستەۋگە ايقىن باعدار كورسەتتى. ءبىز ىشكەرىلەي ۇيرەنىپ، ءتۇسىنىپ، دايەكتى تياناقتاندىرۋدى مىقتى يگەرۋىمىز كەرەك. 

ديڭ شۋەشياڭ مىنالاردى باسا دارىپتەدى: جاڭا داۋىردەگى نەگىزدىك وقۋ-اعارتۋ ىستەرىندە تاريحي جەتىستىكتەرگە قول جەتىپ، اۋقىمدىق وزگەرىستەر جارىققا شىقتى، وسى بارىستا «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، وقۋ-اعارتۋدىڭ ساياسي سيپاتىن، حالىقتىق سيپاتىن، ستراتەگيالىق سيپاتىن تەرەڭ يگەرىپ، ەكونوميكالىق، قوعامدىق دامۋدىڭ جاڭا جاعدايىنا جانە حالىق بۇقاراسىنىڭ جاڭا تىلەگىنە ۇيلەسىپ، نەگىزدىك وقۋ-اعارتۋدىڭ جوعارى ساپالى دامۋىن ىشكەرىلەي ىلگەرىلەتۋ كەرەك. 

ديڭ شۋەشياڭ مىنالاردى اتاپ كورسەتتى: پارتيانىڭ وقۋ-اعارتۋ باعىتىن جاپپاي دايەكتىلەندىرىپ، پارتيانىڭ جاڭالىق اشۋ نازارياسىمەن رۋحتى سومداۋعا، ادام تاربيەلەۋگە تاباندى بولىپ، بەس تاربيەنى قاتار جۇرگىزۋگە، بەس تاربيەنى توعىستىرۋعا تاباندى بولىپ، وقۋشىلاردىڭ اقاۋسىز ەسەيىپ-ەرجەتۋىن، جان-جاقتى جەتىلۋىن جەبەۋ كەرەك. وقۋشى قابىلداۋدى، وقۋعا ءتۇسۋدى باسقارۋدى قاتايتىپ، اۋىل-قىستاقتاعى ۇيدە قالعان بالالارعا، قالاعا كىرىپ جۇمىس ىستەۋشىلەردىڭ پەرزەنتتەرىنە كوڭىل ءبولۋدى، قامقورلىق جاساۋدى كۇشەيتىپ، وقۋ-اعارتۋ ادىلدىگىنىڭ تومەنگى شەگىن مىقتاپ ساقتاپ، نەگىزدىك وقۋ-اعارتۋدىڭ بىركەلكى دامۋىن ىلگەرىلەتۋ كەرەك. جان سانىنىڭ وزگەرىسىنە سايكەسىپ، وقۋ-اعارتۋ بايلىعىن ورنالاستىرۋدى ساپالاندىرىپ، قاراجاتپەن قامتاماسىزداندىرۋ، مەكتەپتەردى ورنالاستىرۋ، وقۋ ورنىمەن قامداۋ، وقىتۋشىلاردى ورنالاستىرۋ سياقتى قىزمەتتەردى ءبىر تۇتاس ويداعىداي ىستەۋ كەرەك. وقۋشىلاردىڭ ەسەيىپ-ەرجەتۋىن وزەك ەتىپ، وقۋ-اعارتۋ، وقىتۋ رەفورماسىن تەرەڭدەتىپ، دۇرىس جولدان جازباي، جاڭالىق اشىپ، نەگىزدىك وقۋ-اعارتۋدىڭ جاڭا باسىمدىلىعىن سومداۋ كەرەك. سەلبەسىپ بىرگە تاربيەلەۋدى اناعۇرلىم كۇشەيتىپ، ءار جاقتىڭ جاۋاپكەرشىلىگىن ناقتىلاندىرىپ، مەكتەپتىڭ، وتباسىنىڭ، قوعامنىڭ رولىن تولىق ساۋلەلەندىرىپ، ادام تاربيەلەۋدىڭ بىرىككەن كۇشىن قالىپتاستىرۋ كەرەك. اعارتۋشىلار رۋحىن ساۋلەلەندىرىپ، وقىتۋشىلاردىڭ كاسىپتىك ساپاسىن جوعارىلاتىپ، وقىتۋشىلاردىڭ مامىلەسىن قامتاماسىزداندىرۋدى كۇشەيتىپ، ءتىپتى دە كوپ تاڭداۋلى دارىندىلاردى وقىتۋمەن الاڭسىز شۇعىلدانۋعا باۋراۋ كەرەك. جەر-جەر مەن قاتىستى تاراۋلار جانە مەكتەپتەر ۇيىمدىق قامتاماسىزداندىرۋدى كۇشەيتىپ، پارتيا ورتالىق كوميتەتى مەن مەملەكەتتىك كەڭەستىڭ قاتىستى شەشىم-ورنالاستىرۋلارىنىڭ تياناقتانىپ، ناتيجە بەرۋىن شەگە قاعۋ رۋحىمەن ىلگەرىلەتۋ كەرەك. 

وقۋ-اعارتۋ مينيسترلىگىندەگى، ورتالىق شتات كەڭسەسىندەگى، مەملەكەتتىك دامۋ جانە رەفورمالاۋ كوميتەتىندەگى، قازىنا مينيسترلىگىندەگى، بەيجيڭ قالاسىنداعى، حۋبەي ولكەسىندەگى، گانسۋ ولكەسىندەگى، بەيجيڭ پەداگوگيكا داشۋەسىندەگى جاۋاپتى جولداستار پىكىر اۋىستىرىپ، ءسوز سويلەدى. 

شى تايفىڭ، لي شۋلەي، ۋاڭ شياۋحۇڭ، ۋ جىڭلۇڭ ماجىلىسكە قاتىناستى. 

ءارقايسى ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس-قۇرىلىس بيڭتۋانىنىڭ، ورتالىق پەن مەملەكەت ورگاندارىنىڭ قاتىستى تاراۋلارىنىڭ، قاتىستى حالىقتىق ۇيىمداردىڭ، ورتالىق اسكەري ىستەر كوميتەتى ورگانىنىڭ قاتىستى تاراۋلارىنىڭ، وقۋ-اعارتۋ مينيسترلىگىنە توتە قاراستى پەداگوگيكا داشۋەلەرىنىڭ جانە «مەملەكەتتىك تاڭداۋلى ورتا-باستاۋىش مەكتەپ وقىتۋشىلارىن تاربيەلەۋ جوسپارىن» اتقاراتىن مەكتەپتەردىڭ جاۋاپتى جولداستارى قاتارلىلار ماجىلىسكە قاتىناستى.