ءوز  حابارىمىز. 8-ايدىڭ 1-كۇنى باسپادان شىققان «ىزدەنۋ» جۋرنالىنىڭ 15-سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «سالاماتتى جۇڭگو قۇرۋدى جەدەلدەتەيىك» دەگەن تاقىرىپتاعى ماڭىزدى ماقالاسى جاريالاندى. 

ماقالادا مىنالار باسا دارىپتەلدى: 2035-جىلعا بارعاندا سالاماتتى جۇڭگو قۇرۋ — ورتالىقتىڭ ستراتەگيالىق شەشىمى. «15-بەسجىلدىق» جوبا وسى نىسانانى جۇزەگە اسىرۋدىڭ شەشۋشى مەزگىلى، ءسوز جوق، ءبىر تۇتاس جوسپارلاپ، جەدەل ىلگەرىلەتىپ، شەشۋشى ىلگەرىلەۋشىلىككە قول جەتكىزۋگە كۇش سالۋ كەرەك. 

ماقالادا مىنالار اتاپ كورسەتىلدى: دەنساۋلىق ساقتاۋ جانە سالاماتتىق ىستەرىنىڭ دامۋىن ەلىمىزدىڭ مەملەكەت جاعدايىن شىعار ءتۇيىن ەتە وتىرىپ ىلگەرىلەتۋگە تاباندى بولۋ كەرەك. ەلىمىز سوتسياليستىك مەملەكەت، جان سانى مول، قالالار مەن اۋىلداردىڭ وڭىرلىك پارقى ءالى دە ءبىرشاما زور دامۋ ۇستىندەگى ەل، جۇڭگوشا دەنساۋلىق ساقتاۋ جانە سالاماتتىق ىستەرىن دامىتۋ جولىمەن جۇرۋدەن جازباۋ، جاڭا داۋىردەگى دەنساۋلىق ساقتاۋ جانە سالاماتتىق ىستەرى قىزمەت باعىتىن دايەكتىلەندىرۋدەن اۋىتقىماۋ كەرەك. ءتۇيىندى كورنەكتىلەندىرە وتىرىپ سالاماتتى جۇڭگو قۇرىلىسىن جەبەۋ كەرەك. حالىق بۇقاراسىنىڭ كۇن سايىن ارتىپ كەلە جاتقان كوپ نەگىزدى دەنساۋلىق ساقتاۋ، سالاماتتىق قاجەتىنە قاراتا، تيىمدىلىك كولەمى كەڭ، بىرەۋى ارقىلى ءبارىن اتتانىسقا كەلتىرەتىن، تۇتاس دەنساۋلىق ساقتاۋ جانە سالاماتتىق ىستەرىنە زور ىقپال جاسايتىن قىزمەتتەردى مىقتى يگەرىپ، كۇش-قۋات پەن بايلىقتى شوعىرلاندىرا وتىرىپ جەبەپ، ۇزدىكسىز تىڭ ونىمدىلىكتەرگە قول جەتكىزۋ كەرەك. الەۋمەتتىك دەنساۋلىق ساقتاۋ جۇيەسىن اقاۋسىزداندىرىپ، ساپالى، جوعارى ءونىمدى ەمدەۋ قىزمەت وتەۋ جۇيەسىن قۇرىپ، اقاۋسىز، وركەنيەتتى تۇرمىس ءتاسىلىن دارىپتەۋ كەرەك. سالاماتتى جۇڭگو قۇرىلىسىن پارمەندى كەپىلمەن قامداۋ قاجەت. پارتكوم ءبىر تۇتاس باسشىلىق ەتەتىن، پارتيا مەن ۇكىمەت تەڭ يگەرىپ، بىرگە باسقاراتىن قىزمەت جاعدايىن كەمەلدەندىرىپ، سالاماتتىقتى جەبەۋ ساياسات-ءتۇزىم جۇيەسىن اقاۋسىزداندىرىپ، سالاماتتىق تانىمىن الەۋمەتتىك ساياسات بەلگىلەۋدىڭ، اتقارۋدىڭ تۇتاس بارىسىنا ءسىڭىرىپ، ەمدەۋ، ەمدەۋ قامسىزداندىرۋى، ءدارى-دارمەك ىستەرى سايكەستى دامىتىلاتىن جانە جونگە سالىناتىن مەحانيزمدى كەمەلدەندىرىپ، دەنساۋلىق ساقتاۋ، سالاماتتىق سالاسىنىڭ پارتيا قۇرىلىسى قىزمەتىن كۇشەيتىپ، تاڭداۋلى شيپاگەرلىك ءمورال، تاماشا شيپاگەرلىك ستيلدى ساۋلەلەندىرىپ، ستيلى پاك، سالتى دۇرىس كاسىپ ورتاسىن كۇش سالا قالىپتاستىرۋ كەرەك.