ينفورماتسيا اشكەرەلەۋ: mzjubao@cnr.cn

حالىقارالىق حابارلار

يران ارمياسى مالىمدەمە جاريالاپ، ۋكراينا جولاۋشىلار ايروپلان شىرعالاڭى ارميا جاقتىڭ قاتە تانۋىنان تۋىلعان دەدى

来源:جۇڭگو قازاق راديو تورابى     |责编:达吾力别克 |     发布日期: 2020-01-12 20:06

ءوز حابارىمىز. يران ارمياسى جەرلىك ۋاقىت 1-ايدىڭ 11-كۇنى مالىمدەمە جاريالاپ بىلاي دەدى:1-ايدىڭ 8-كۇنى يران شەكاراسى ىشىندە قۇلاعان ۋكراينا جولاۋشىلار ايروپلانىن يران ارمياسى قاساقانا اتىپ تۇسىرگەن جوق، بۇل شىرعالاڭ ارميا جاقتىڭ قاتە تانۋىنان تۋىلعان. جولاۋشىلار ايروپلانى اتىپ تۇسىرىلۋدەن بۇرىن يراننىڭ سەزگىر اسكەري وڭىرىنە جاقىنداعان، بۇل يران ارمياسىنىڭ ا ق ش - پەن جاعدايى ۋشىعىپ جوعارى دارەجەدە ساقتىق كۇيگە وتكەن كەزى بولاتىن، سوندىقتان تاياپ ۇشقان ايروپلاندى جاۋ جاق نساناسى دەپ جاڭساق اتىپ تۇسىرگەن.


يراننىڭ پرەزيدەنتى رۋحاني سول كۇنى مالىمدەمە جاريالاپ، يران جاق وسىنداي ۇلكەن قاتەلىك وتكىزگەنىنەن وكىنە وتىرىپ كەشىرىم سۇرايدى ءارى ىشكەرىلەي تەكسەرۋ جۇرگىزىپ، وسىنشاما زور جانە كەشىرىلمەس قاتەلىكتىڭ بارلىق سەبەبىن جانە وقيعا تۋدىرۋشىلاردى انىقتايدى،-دەدى.


يراننىڭ سىرتقى ىستەر مينيسترى زاريف : ا ق ش - تىڭ تاۋەكەلشىلدىك ارەكەتى يراننىڭ وسى رەتكى اۋىر قاتەلىك وتكىزۋىنىڭ سەبەبى،- دەدى.


يران فارس اگەنتتىگىنىڭ حابارىنا قاراعاندا، يراننىڭ ەڭ جوعارى كوسەمى حامەني وسىدان بۇرىن ايروپلان شىرعالاڭىنىڭ سەبەبىن بىلگەننەن كەيىن، ەڭ جوعارى مەملەكەت حاۋىپسىزدىگى كوميتەتىنە 1-ايدىڭ 10-كۇنى كەشتە شۇعىل ءماجىلىس اشۋدى ۇيعارعان، سونداي - اق جۇرتشىلىققا شىرعالاڭدى تەكسەرۋگە قاتىستى ينفورماتسيالاردى اشىق حابارلاۋدى تالاپ ەتكەن.


مۇنان تىس، ۋكراينانىڭ پرەزيدەنتى زەلەنسكي 1-ايدىڭ 11-كۇنى، يراننىڭ ءسوزسىز رەسمي كەشىرىم سۇراۋىن جانە وبيەكتيۆ تەكسەرۋ جۇرگىزۋىن ايتقان. كانادانىڭ زۇڭليى ترۋدو دا مالىمدەمە جاريالاپ، قاتىستى ادامداردىڭ جاۋاپكەرشىلىگىن قۋزاستىرۋدى تالاپ ەتكەن.


كۇلان ىرىسباي قىزىنىڭ اۋدارماسى

中央广播电视总台 央广网 版权所有

يران ارمياسى مالىمدەمە جاريالاپ، ۋكراينا جولاۋشىلار ايروپلان شىرعالاڭى ارميا جاقتىڭ قاتە تانۋىنان تۋىلعان دەدى

يران ارمياسى جەرلىك ۋاقىت 1-ايدىڭ 11-كۇنى مالىمدەمە جاريالاپ بىلاي دەدى:1-ايدىڭ 8-كۇنى يران شەكاراسى ىشىندە قۇلاعان ۋكراينا جولاۋشىلار ايروپلانىن يران ارمياسى قاساقانا اتىپ تۇسىرگەن جوق،