ينفورماتسيا اشكەرەلەۋ: mzjubao@cnr.cn

حالىقارالىق حابارلار

دۇنيە دەنساۋلىق ساقتاۋ ۇيىمى 2021-جىلدىڭ سوڭىنان بۇرىن دۇنيە ءجۇزىن 2 ميلليارد ۋاكسينامەن قامداۋدى جوسپارلادى

来源:جۇڭگو قازاق راديو تورابى     |责编:达吾力别克 |     发布日期: 2020-06-28 10:01

ءوز حابارىمىز. دۇنيە دەنساۋلىق ساقتاۋ ۇيىمى جەرگىلىكتى ۋاقىت 6-ايدىڭ 26-كۇنى اقپارات جاريالاۋ ءماجىلىسىن اشىپ، «جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى ۋاكسينا» جاعدايىن جانە حالىقارالىق سەلبەستىك دارىپتەمەسىنىڭ اتقارىلۋ جاعدايىن تانىستىردى.

وسى دارىپتەمەگە ساي، دۇنيە دەنساۋلىق ساقتاۋ ۇيىمى 2021-جىلدىڭ ورتاسىنان بۇرىن كىرىسى ورتا جانە تومەن مەملەكەتتەردى 500 ميلليون دانا تەكسەرۋ سىناق ءدارىسى جانە 245 ميلليون دانا ەمدەۋ دارىسىمەن قامداۋدى، سونداي-اق 2021-جىلدىڭ سوڭىنان بۇرىن دۇنيە ءجۇزىن 2 ميلليارد ۋاكسينامەن قامداۋدى جوسپارلادى . ال وسى جوسپاردى جۇزەگە اسىرۋ ءۇشىن الداعى 12 ايدا 31 ميلليارد 300 ميلليون دوللار قارجى توپتاۋعا تۋرا كەلەدى . دۇنيە دەنساۋلىق ساقتاۋ ۇيىمىنا قازىر 3 ميلليارد 400 ميلليون دوللار جينالدى، تاعى 27 ميلليارد 900 ميلليون دوللار قارجى قاجەت.

​دۇنيە دەنساۋلىق ساقتاۋ ۇيىمىنىڭ باس عالىمى سۋميا سۆامينانىڭ ايتۋىنا قاراعاندا: قازىر دۇنيە جۇزىندە 200 تۇردەن ارتىق قوسىمشا ۆاكسينا بار. مۇنىڭ 15 ى ادام دەنەسىنە جاسالعان كلينيكالىق سىناق تاجىريبەسىنە پايدالانىلدى. وعان جۇڭگونىڭ بىرنەشە ۋاكسيناسى قامتىلعان. دۇنيە دەنساۋلىق ساقتاۋ ۇيىمى جۇڭگوداعى ءبىر قانشا ۋاكسينا زەرتتەۋ ۇيىرمەسىمەن سەلبەسىپ تالقى ورىستەتتى. ءارى كلينيكالىق سىناق ورىستەتۋ سەلبەستىگىنە قولداۋ كورسەتەتىندىگىن ءبىلدىردى.

اۋدارعان: اينۇر گىميڭعازى قىزى

中央广播电视总台 央广网 版权所有

دۇنيە دەنساۋلىق ساقتاۋ ۇيىمى 2021-جىلدىڭ سوڭىنان بۇرىن دۇنيە ءجۇزىن 2 ميلليارد ۋاكسينامەن قامداۋدى جوسپارلادى

دۇنيە دەنساۋلىق ساقتاۋ ۇيىمى جەرگىلىكتى ۋاقىت 6-ايدىڭ 26-كۇنى اقپارات جاريالاۋ ءماجىلىسىن اشىپ، «جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى ۋاكسينا» جاعدايىن جانە حالىقارالىق سەلبەستىك دارىپتەمەسىنىڭ اتقارىلۋ جاعدايىن تانىستىردى.