ينفورماتسيا اشكەرەلەۋ: mzjubao@cnr.cn

حالىقارالىق حابارلار

جۇڭگونىڭ ا ق ش-تاعى ەلشىلىگى ا ق ش-تىڭ جۇڭگودان حيۋستون قالاسىنداعى باس كونسۋلحاناسىن ۋاقىتشا جابۋدى تالاپ ەتكەندىگىن قاتاڭ جازعىردى

来源:جۇڭگو قازاق راديو تورابى     |责编:达吾力别克 |     发布日期: 2020-07-24 10:49

ءوز حابارىمىز. جۇڭگونىڭ ا ق ش-تاعى ەلشىلىگى 7-ايدىڭ 22-كۇنى مالىمدەمە جاريالاپ بىلاي دەدى: ا ق ش جاق 7-ايدىڭ 21-كۇنى جۇڭگودان ا ق ش-تىڭ حيۋستون قالاسىنداعى باس كونسۋلحاناسىن ۋاقىتشا جابۋدى اياق استىنان تالاپ ەتتى. بۇل جۇڭگوعا كورسەتكەن ساياسي ارانداتۋشىلىق بولىپ، حالىقارالىق زاڭ مەن حالىقارالىق قارىم- قاتىناستىڭ نەگىزگى قاعيداسىنا جانە جۇڭگو مەن ا ق ش-تىڭ كونسۋلدىق شارتىنداعى قاتىستى بەلگىلەمەلەرگە اۋىر دارەجەدە قايشى كەلدى، جۇڭگو مەن ا ق ش قاتىناسىن قاساقانا بۇلدىرگەن مۇنداي جۇگەنسىزدىكتى جۇڭگو قاتاڭ جازعىرادى جانە باتىل قارسى تۇرادى.


مالىمدەمەدە بىلاي دەلىندى: جۇڭگو باسقا ەلدەردىڭ ىشكى ىسىنە كيلىكپەۋ ۇستانىمىنا باستان-اياق تاباندى بولىپ كەلەدى. كوپ جىلداردان بەرى، حيۋستون قالاسىنداعى جۇڭگونىڭ باس كونسۋلحاناسىن قامتىعان جۇڭگونىڭ ا ق ش-تاعى ەلشىلىك-كونسۋلحانالارى «ۆەنا ديپلوماتيالىق قاتىناس شارتى» مەن «ۆەنا كونسۋلدىق قاتىناس شارتىنداعى» بەلگىلەمەلەرگە باستان-اياق بويسىنىپ، ا ق ش-تا مىندەت اتقارىپ، جۇڭگو مەن ا ق ش-تىڭ بارىس-كەلىسىن، سەلبەستىگىن جەبەۋگە كۇش سالىپ، ەكى ەل حالقىنىڭ ءوزارا ءتۇسىنىسۋى مەن دوستىعىن نىعايتتى. ا ق ش-تىڭ قاتىستى ايىپتاۋىنىڭ ەشقانداي نەگىزى جوق. سىنىقتان سىلتاۋ تاۋىپ، تىرناق استىنان كىر ىزدەۋشىلىك، تابان تىرەپ تۇرا المايدى.


اۋدارعان: امانتاي مۇسايىپ ۇلى