تاندىساي جۇڭگو قاتارلى ەلدەردىڭ ۆيرۋس توركىنىن تەكسەرۋ قىزمەتىنە قولداۋ كورسەتكەندىگىنە العىس ايتتى
ٴوز حابارىمىز. دۇنيە دەنساۋلىق ساقتاۋ ۇيىمىنىڭ باس ٴىس جۇرگىزۋشىسى تان دىساي 1-ايدىڭ 11-كۇنى بىلاي دەدى: ۆيرۋس توركىنىن تەكسەرۋ حالىقارالىق ماماندار گرۋپپاسى 1-ايدىڭ 14-كۇنى جۇڭگوعا ساپارلاي باردى، ول جۇڭگونى قامتىعان ۆيرۋس توركىنىن تەكسەرۋ قىزمەتىن قولداعان بارلىق ەلدەرگە العىس ايتا كەلىپ بىلاي دەدى: حالىقارالىق ماماندار ۇيىرمەسىنىڭ جۇڭگوعا بارىپ جۇڭگوداعى كاسىپتەستەرمەن بىرگە جاڭا ٴتيپتى ايدارشا ۆيرۋس توركىنىن تەكسەرۋ جونىندە عىلمي زەرتتەۋ ورىستەتكەندىگىن كورىپ قۋاندىم، جۇڭگو قاتارلى ەلدەردىڭ ۆيرۋس توركىنىن قۋزاستىرۋ قىزمەتىنە پارمەندى قولداۋ كورسەتكەنىنە العىس ايتامىن، بۇل جاڭا ٴتيپتى ايدارشا ۆيرۋسقا توتەپ بەرۋدە ەرەكشە ماڭىزدى بولىپ قالماستان، جەرشارى دەنساۋلىق ساقتاۋ حاۋىپسىزدىگىنىڭ بولاشاعىنا سونداي-اق كەڭ كولەمدە جۇعىمدالۋ مۇمكىندىگى زور جاڭا اۋرۋ قاتەرىنە توتەپ بەرۋدە ەرەكشە ماڭىزعا يە.
دۇنيە دەنساۋلىق ساقتاۋ ۇيىمىنىڭ دەنساۋلىق ساقتاۋ شۇعىل جاعدايعا توتەپ بەرۋ نسانىنىڭ جاۋاپتىسى مايكىل رۇيان بىلاي دەدى: ۆيرۋس توركىنىن تەكسەرۋ قىزمەتى ايىرىقشا ماڭىزدى، ۆيرۋس توركىنىن جىعا تانۋدىڭ ماقساتى استە جاۋاپكەرشىلىكتى قۋزاۋ ەمەس قايتا ادام مەن مالعا جۇعىمدالۋ جولىنا عىلمي جاۋاپ بەرىپ، وسى تەكتەس جۇقپالى اۋرۋدىڭ ادامزات قوعامىنا تاعى دا قاتەر توندىرۋىنەن ساقتانۋ ٴۇشىن بولىپ تابىلادى. ۆيرۋس توركىنىن تەكسەرۋدى ورىستەتۋ ساياسيدى ەمەس عىلمي پرينسيپتى نەگىز ەتەدى،ٴبىزدىڭ جاۋاپ ىزدەۋدەگى ماقساتىمىز بولاشاق حاۋىپسىزدىك ٴۇشىن. عىلىمدى ماقسات ەتپەگەن، عىلىم زەرتتەۋگە ەشقانداي كومەگى بولماعان زەرتتەۋلەر دۇنيە دەنساۋلىق ساقتاۋ ۇيىمى مەن وعان مۇشە ەلدەر اراسىنداعى سەنىمدىلىكتى سەتىنەتەدى.
اۋدارعان: كۇلان ىرىسباي قىزى
