افعانستاننىڭ حاۋىپسىزدىك بولىمدەرى تاليبان ۇيىمىنىڭ 288 مۇشەسىن اتىپ ٴولتىردى
ٴوز حابارىمىز. افعانستان مەملەكەت قورعانىس مينيسترلىگى جەرگىلىكتى ۋاقىت 5-ايدىڭ 9-كۇنى مالىمدەمە جاريالاپ بىلاي دەدى: وتكەن 24 ساعات ىشىندە افعانىستاننىڭ حاۋىپسىزدىك قوسىندارى نانگىحار، كانداحا، حرات، حەرماند جانە باعلان قاتارلى كوپتەگەن ولكەلەردە تاليبانمەن قاقتىعىسىپ، جيىنى تاليبان ۇيىمىنىڭ 288 ادامىن اتىپ ٴولتىردى، 132 مۇشەسىن جارالادى. حاۋىپسىزدىك قوسىندارى تاليبان جاقتىڭ قىرۋار قارۋ - جاراقتارى مەن وق-دارىلەرىن جويدى ٴارى تاليباننىڭ وسىدان بۇرىن كومىپ قويعان ۇقساماعان تۇردەگى ميناسىن بايقادى جانە تازالادى.
بۇدان سىرت،افعانىستاننىڭ استاناسى كابۋلداعى ٴبىر مەكتەپتىڭ ماڭىندا 5-ايدىڭ 8-كۇنى قوپارىلىس تۋىلىپ، قوپارىلىستان 50 دەن استام ادام قازا بولىپ، 100 دەن استام ادام جارالاندى. حابارعا قاراعاندا، سول كەزدە 3 رەت قوپارىلىس تۋىلىپ،كوپتەگەن وقۋشىلار، اتا-انالار جانە جۇرگىنشىلەر جارالانعان،ولگەن.افعانىستاننىڭ پرەزيدەنتى اشىراپ عاني مالىمدەمە جاريالاپ، شابۋىل وقيعاسىن ايىپتاپ، وسى رەتكى شابۋىلدى تاليبان ۇيىمى قوزعادى دەپ جازعىردى.ال تاليبان ۇيىمى مۇنى تەرىسكە شىعارىپ وتىر.
اۋدارعان: كۇلان ىرىسباي قىزى
