ينفورماتسيا اشكەرەلەۋ: mzjubao@cnr.cn

حالىقارالىق حابارلار

يزرايليدىڭ قارسى پارتياسى ٴساتتى تۇردە ۇكىمەت قۇردى

来源:جۇڭگو قازاق راديو تورابى     |责编:阿依娜古丽|     发布日期: 2021-06-03 10:38

 

ٴوز حابارىمىز. يزرايلدىڭ «بولاشاق» پارتياسىنىڭ باسشىسى لاپيد ٴوزىنىڭ ٴساتتى تۇردە ۇكىمەت قۇرعاندىعىن 6-ايدىڭ 2 ـ كۇنى كەشتە يزرايلدىڭ پرەزيدەنتى ريفلينگە رەسمي ۇقتىردى، بۇل قازىرگى زۇڭلي بەنجامين. نەتانياحۋدىڭ 12 جىلدىق زۇڭليلىق مىندەت وتەۋ مەرزىمىنىڭ اياقتالۋى مۇمكىن ەكەندىگىنەن دەرەك بەرەدى.


    ماڭىزدى مينيسترلىك قىزمەت ورىن سياقتى ۇقىقتارعا قيان - كەسكى تالاسۋ ارقىلى نەتانياحۋعا قارسى لاگەرگە وتكەن 8 پارتيا - توپ اقىرى ىمىراعا كەلىپ، بولاشاق پارتياسىنىڭ باسشىسى لاپيد بىرلىككە كەلگەن وڭ قانات وداعىنىڭ باسشىسى بەنيتپەن، ارابتى بىرلىككە كەلتىرۋ پارتياسىنىڭ باسشىسى ابباسپەن جانە جاڭا ٴۇمىت پارتياسىنىڭ باسشىسى سارمەن سول كۇنى كەشتە كەلىسىمگە قول قويىپ، لاپيتتىڭ بىرلەسپە ۇكىمەت قۇرۋىنا جول قويدى.


    لاپيد سول كۇنى كەشتە ٴوزىنىڭ جاڭا كەزەكتى بىرلەسپە ۇكىمەتتى ٴساتتى قۇرعاندىعىن پرەزيدەنت ريفلينگە ايتتى. كەلىسىمگە ساي، بىرلىككە كەلگەن وڭ قانات وداعىنىڭ باسشىسى بەنيت پەن بولاشاق پارتياسىنىڭ باسشىسى لاپيد كەزەكپەن بيلىك جۇرگىزەدى، بەنيت الدىمەن 2 جىل زۇڭليلىق مىندەت اتقارادى، ونان سوڭ لاپيد 2 جىل زۇڭلي بولادى. ريفلين لاپيد پەن باسقا پارتيا - توپتاردىڭ باسشىلارىنىڭ كەلىسىمگە كەلىپ، ۇكىمەت قۇرعاندىعىن قۇتتىقتادى ٴارى پارلامەنتتىڭ تەز ارادا ٴماجىلىس اشىپ، ۇكىمەتتىڭ قۇرىلۋىن بەكىتۋدى كۇتەتىندىگىن ايتتى. بۇل كەزەكتى ۇكىمەت سول قانات، ورتا جانە وڭ قانات پارتيا - توپتار بىرلىكتە قۇرعان بىرلەسپە ۇكىمەت بولماق.

اۋدارعان: امانتاي مۇسايىپ ۇلى

中央广播电视总台 央广网 版权所有

يزرايليدىڭ قارسى پارتياسى ٴساتتى تۇردە ۇكىمەت قۇردى

لاپيد ٴوزىنىڭ جاڭا كەزەكتى بىرلەسپە ۇكىمەتتى ٴساتتى قۇرعاندىعىن پرەزيدەنت ريفلينگە ايتتى.