ينفورماتسيا اشكەرەلەۋ: mzjubao@cnr.cn

حالىقارالىق حابارلار

يراقتىڭ جاڭا كەزەكتى حالىقتىق پارلامەنت سايلامىندا داۋىس بەرۋ مولشەرى تاريحتان بەرگى ەڭ تومەنگى ورەگە ٴتۇستى

来源:جۇڭگو قازاق راديو تورابى     |责编:阿依娜古丽|     发布日期: 2021-10-12 10:45


    ٴوز حابارىمىز. يراقتىڭ جوعارى دارەجەلى سايلام كوميتەتى جەرگىلىكتى ۋاقىت 10-ايدىڭ 11-كۇنى مالىمدەمە جاريالاپ، سودان ٴبىر كۇن بۇرىن وتكىزىلگەن حالىقتىق پارلامەنت سايلامىنا داۋىس بەرۋ مولشەرىنىڭ نەبارى %41 عانا بولىپ، تاريحتان بەرگى ەڭ تومەنگى ورەگە تۇسكەندىگىن ايتتى. باستاپقى ناتيجەدە كورسەتىلۋىنشە، «سادىر قوزعالىسى» وداعى زور سايلامدا جەڭىپ شىققان. بۇل رەتكى سايلام 2019 ـ جىلى 12 ـ ايدا ماقۇلدانعان جاڭا حالىقتىق پارلامەنت سايلام زاڭى بويىنشا وتكىزىلىپ، دەربەس كانديداتتاردىڭ سايلامعا قاتىناسۋىنا تۇڭعىش رەت رۇقسات ەتىلدى، الايدا جاڭا سايلام زاڭىندا بۇرىنعى سايلام جۇيەسىنە بولماشى رەتتەۋ جۇرگىزىلىپ، يراقتىڭ ساياسي ەكولوگياسىنا ماندىك ىقپال جاساۋى قيىنعا تۇسۋدە، پارتيا ـ توپتاردىڭ باس-باسىنا ٴبي بولىپ، ٴيتىس-تارتىسى تولاستامادى.


    يراقتىڭ وسى رەتكى حالىقتىق پارلامەنت سايلامىنا داۋىس بەرۋى ەكى ساتىعا ٴبولىندى. ەڭ اۋەلگىسى 10-ايدىڭ 8-كۇنى يراق ۇكىمەتى حاۋىپسىزدىك قوسىنى، ساقشىلار، باسپاناسىزدار، قىلمىسكەرلەر قاتارلى ەرەكشە شوعىرداعىلاردى داۋىس بەرۋگە ورنالاستىردى، اسكەريلەر مەن ساقشىلاردان 1 ميلليون 500 مىڭنان استام ادام، باسپاناسىزداردان 120 مىڭداي ادام جانە نەشە ٴجۇز قىلمىسكەر داۋىس بەرۋگە قاتىناسىپ، ەرەكشە شوعىرداعى داۋىس بەرۋشىلەر جالپى سانىنىڭ %69 ىن ۇستادى. وسىدان كەيىن كەشە جاي بۇقارا داۋىس بەردى. وسى رەتكى سايلامدا جيىنى 3249 كانديدات حالىقتىق پارلامەنتتەگى 329 ورىنعا تالاسادى. تىزىمدەلگەن داۋىس بەرۋشىلەر شامامەن 24 ميلليون ادام. يراقتىڭ جوعارى دارەجەلى سايلام كوميتەتى كەشە بىلاي دەدى : ايدىڭ 8 -، 10 - كۇندەردەگى داۋىس بەلەتىن ساناققا الۋدان قاراعاندا، داۋىس بەرۋ مولشەرى نەبارى %41 عانا بولىپ، تاريحتان بەرگى ەڭ تومەنگى ورەنى كورسەتتى. استانا باعدات قالاسىنىڭ داۋىس بەرۋ مولشەرى بۇكىل ەل بويىنشا ەڭ از بولىپ، %31 دە %34 ارالىعىندا. مەديالار تالداۋ جاساپ بىلاي دەدى: جاستاردىڭ كوبى يراقتىڭ قازىرگى جاعدايىنان ۇمىتسىزدەنىپ، سايلام ساياسي شىرىكتەسۋدىڭ ٴبىر بولەگى دەپ قاراپ، وسى رەتكى داۋىس بەرۋگە قارسى تۇرۋدا.


    يراق ۇكىمەتىنىڭ ٴبىر ٴمانساپتىسى كەشە كەشتە بىلاي دەدى: داۋىس بەلەتىن العاشقى ەسەپتەۋ ناتيجەسىنەن قاراعاندا، شيە توبىنداعىلاردىڭ ٴدىني كوسەمى سادىر باسشىلىق ەتكەن «سادىر قوزعالىسى» اتىنداعى ساياسي پارتيا وداعى زور سايلامدا جەڭىپ شىعىپ، پارلامەنتتىڭ 70 تەن استام ورنىنا يە بولدى.

اۋدارعان: امانتاي مۇسايىپ ۇلى

中央广播电视总台 央广网 版权所有

يراقتىڭ جاڭا كەزەكتى حالىقتىق پارلامەنت سايلامىندا داۋىس بەرۋ مولشەرى تاريحتان بەرگى ەڭ تومەنگى ورەگە ٴتۇستى

يراقتىڭ جوعارى دارەجەلى سايلام كوميتەتى جەرگىلىكتى ۋاقىت 10-ايدىڭ 11-كۇنى مالىمدەمە جاريالاپ، سودان ٴبىر كۇن بۇرىن وتكىزىلگەن حالىقتىق پارلامەنت سايلامىنا داۋىس بەرۋ مولشەرىنىڭ نەبارى %41 عانا بولىپ، تاريحتان بەرگى ەڭ تومەنگى ورەگە تۇسكەندىگىن ايتتى.