رەسەي ارمياسى باتىستىڭ ۋكرايناعا كومەككە جىبەرگەن قارۋ ـ جاراقتارىن ۇزدىكسىز كۇيرەتتى
ٴوز حابارىمىز. رەسەي قورعانىس مينيسترلىگى 5-ايدىڭ 8-كۇنى كەشتە حابارلاندىرۋ شىعارىپ، سول كۇنى رەسەي اۋە ارمياسى جوعارى دالدىكتەگى باسقارىلمالى بومبى قارۋ ىستەتىپ سولەدار ٴوڭىرى ماڭىنداعى پويەز بەكەتىنە جەتكەن ا ق ش پەن باتىس ەلدەرىنىڭ قارۋ-جاراعىن، سونداي-اق ۇكراينا ارمياسىنىڭ ادامدارىن جويعاندىعىن جاريالادى. بۇدان سىرت، رەسەيدىڭ اۋە شابۋىلىنان قورعانۋ بولىمدەرى جىلاندى ارالدىڭ ماڭىندا تۋ ۇستاۋشى-TB 2 اتتى ۇشقىشسىز ايروپلاندى اتىپ ٴتۇسىردى، سونداي-اق حاركوۆ وبلىسىندا ۋكراينا اۋە ارمياسىنىڭ سوۆەت وداعى- 25 تۇرپاتتى ايروپلانىن اتىپ ٴتۇسىردى.
ۋكراينا قارۋلى ٴبولىم باس شتابى 5-ايدىڭ 8-كۇنى قوعامدىق قارىم -قاتىناس مەديادا بىلاي دەپ جاريالادى: 5-ايدىڭ 7-كۇنى ٴبىر كۇندە 400 رەسەي اسكەرىن جويدىق. 5-ايدىڭ 8-كۇنىنە دەيىن رەسەي ارمياسى ۋكرايناعا قارسى سوعىستا 25 مىڭ 500 دەن استام ادامىنان ايرىلدى.
جەرلىك ۋاقىت 5-ايدىڭ 8 -كۇنى 7 ەل توبى باسشىلارى ۋكراينانىڭ پرەزيدەنتى زەلەنسكيمەن تەلەفوندا سويلەستى. تەلەفونٴماجىلىس اياقتاعاننان كەيىن، ا ق ش اق سارايى جەتى ەل توبى باسشىلارىنىڭ بىرلەسكەن مالىمدەمەسىن جاريالادى. مالىمدەمەدە بىلاي دەپ ايتىلدى: جەتى ەل توبى ۋكراينا قارۋلى بولىمدەرىنە ۇزدىكسىز اسكەري جانە قورعانىستىق كومەك بەرەدى، ۋكراينامەن ينفورماتسيا حاۋىپسىزدىگى، ەكونوميكا جانە ەنەرگيا حاۋىپسىزدىگى جاعىنداعى سەلبەستىكتى كەڭەيتەدى.
جەتى ەل توبى رەسەيدەن مۇناي يمپورت ەتۋدى بىرتىندەپ ازايتۋعا نەمەسە بۇكىلدەي تيىم سالۋعا ۋادەلەستى، سونداي - اق باسقا دا تاسىلدەر ارقىلى وزدەرى رەسەيگە يەك سۇيەپ وتىرعان جاقتارداعى ماڭىزدى قىزمەت وتەۋلەر توقتاتىلاتىندىعىن نەمەسە تىيىم سالىناتىندىعىن جاريالادى.
مالىمدەمەگە نەگىزدەلگەندە، 7 ەل توبى ۋكرايناعا جالپى قۇنى 24 ميلليارد امەريكا دوللارىنان اساتىن قولداۋ كورسەتكەن نەمەسە قولداۋ كورسەتۋگە ۋادە بەرگەن.
اۋدارعان: قاناتبەك جۇماباي ۇلى
