ءوز حابارىمىز. رەسەي مەن ۋكراينانىڭ كوپتەگەن رايوندارداعى قاقتىعىسى ءالى دە جالعاسۋدا، رەسەي مەن ۋكراينانىڭ  ادامگەرشىلىك قۇتقارۋ كومەكتەسۋ قيمىلى جونىندەگى كەلىسسوزى دە جالعاستى جۇرگىزىلۋدە.

 

رەسەي مەملەكەت قورعانىس مينيسترلىگى 5-ايدىڭ 12-كۇنى ەڭ جاڭا سوعىس جاعدايى ينفورماتسياسىن جاريالادى، سول كۇنى رەسەي ارمياسى جىلاندى ارالىنىڭ كەڭىستىگىندە ءبىر ۇشقىشسىز ايروپلاندى اتىپ ءتۇسىرىپ، «توشكى-U» اتتى ءۇش تاكتيكالىق باسقارىلمالى بومبىنى توستى. رەسەي باسقارىلمالى بومبىسى مەن زەڭبىرەكشى اسكەرلەر قوسىنى 405 ورىنداعى ۋكراينا ارمياسىنىڭ اسكەري بولىمدەرى مەن قارۋ-جاراق جيناۋ رايونىنا سوققى بەرىپ، 300-S تۇرپاتتى اۋە شابۋىلىنان قورعانۋ باسقارىلمالى بومبى جۇيەسىن، « قارا قۇيىن »اتتى كوپ اۋىزدى ءۇش زەڭبىرەك جۇيەسى مەن ەكى وق-ءدارى قامباسىن تالقاندادى.

 

ماريپول قالا  باستىعىنىڭ اقىلشىسى اندەرليۋشيانكى 5-ايدىڭ 12-كۇنى قوعامدىق قارىم-قاتىناس مەدياسىندا بىلاي دەدى: رەسەي ارمياسى ازوۆ  بولات-تەمىر زاۆودىنىڭ جەر استىنان شىعار اۋزىن قۇرساۋلاۋعا ۇرىندى، ۋكراينا ارمياسى قايتارما سوققى بەرۋدە. رەسەي ارمياسى ازۆ بولات-تەمىر زاۆودىنا جەر بەتى شابۋىلىن توقتاتپادى. ۋكراينا مەديالارى سول كۇنى بىلاي دەدى: ۋكراينا ازۆ  بولات-تەمىر زاۆودىنان 500 دەي ەمدەۋ قىزمەتكەرى مەن جارالىلاردى شەگىندىرىپ  شىعۋ جونىندە رەسەيمەن كەلىسسوز وتكىزۋدە.

 

فينلانديانىڭ پرەزيدەنتى نينيستو مەن زۇڭليى مارين 5-ايدىڭ 12-كۇنى بىرلەسكەن مالىمدەمە جاريالاپ، فينلانديانىڭ ناتوعا كىرۋگە ءوتىنىش بەرۋ ۇيعارىمىن قولدايتىندىعىن جاريالادى. فينلانديا اقپارات قۇرالدارى بىلاي دەپ حابارلادى، فينلانديا بىرنەشە كۇن ىشىندە ناتوعا كىرۋگە ءوتىنىش بەرۋ ۇيعارىمىن جاريالايدى  ءارى كەلەسى اپتادا شۆەتسيامەن بىرگە ناتوعا ءوتىنىش تاپسىرادى. ناتونىڭ باس حاتشىسى ستولتەنبەرگ 5-ايدىڭ 12-كۇنى فينلانديانىڭ ناتوعا كىرۋى « ءساتتى ءارى تەز » بولادى دەدى.

 

  رەسەي پرەزيدەنتى اقپارات حاتشىسى پەسكوۆ بىلاي دەدى: فينلانديانىڭ ناتوعا كىرۋى رەسەي جونىنەن قاتەرلى، ناتونىڭ كەڭەيۋى ەۆروپا-ازيا قۇرلىعىنىڭ حاۋىپسىزدىگىنە ءتيىمسىز. رەسەي سىرتقى ىستەر مينيسترلىگىندەگىلەر بىلاي دەستى، رەسەي فينلانديا مەن شۆەتسيانىڭ ناتوعا كىرۋىنەن تۋىلعان حاۋىپ-قاتەردى تەحنيكالىق اسكەري ءتاسىل نەمەسە باسقا دا تاسىلدەر ارقىلى جويۋعا ءماجبۇر بولادى.

 

اۋدارعان: كۇلان ىرىسباي قىزى