ٴوز حابارىمىز. ۋكراينانىڭ مەملەكەتتىك اقپارات اگەنتتىگى 6-ايدىڭ 20-كۇنى ۋكراينا مەملەكەت قورعانىس مينيسترىنىڭ ورىنباسارى اننا. مالياردىڭ سوزىنەن سيتات كەلتىرىپ بىلاي دەپ حابارلادى: سولتۇستىك دونەتسكي قالاسىنداعى شەشۋشى شايقاس جۇرگىزىلىپ جاتىر، رەسەي ارمياسىنىڭ سوعىس مىندەتى-وسى ايدىڭ 26-كۇنىنەن بۇرىن لۋگانسكي رايونىن تۇگەلدەي باسىپ الۋ.

رەسەي مەملەكەت قورعانىس مينيسترلىگى 6-ايدىڭ 20-كۇنى سوعىس مالىمەتىن جاريالاپ بىلاي دەدى: رەسەي ارمياسى ودەسسا وبلىسىنداعى ٴبىر اسكەري اۋەجايدى باسقارىلمالى بومبىمەن سوققىلاپ، سول جەردەگى «تۋ ۇستاۋشى» رولىن اتقارىپ جاتقان ۇشقىشسىز ۇشاقتارعا قولباسشىلىق ورتالىعىن تالقاندادى. دونەتسكيگە باعىتتالعان زەڭبىرەك شايقاسىندا رەسەي ارمياسى ۋكراينا ارمياسىنىڭ «بۇرشاق» اتىنداعى 11 زىمىران بومبى روتاسىن تاۋلىك بويى اتقىلادى.

ۋكراينانىڭ ٴبىر پارلامەنت مۇشەسى 6-ايدىڭ 20-كۇنى ۋكراينانىڭ پرەزيدەنتى زەليانسكيدىڭ قاقتىعىس الدىڭعى شەبىنە بارىپ، دونەتسكي رايونىنىڭ ليسيچانسكى قالاسىندا تۇسكەن سۋرەتىن جاريالادى ٴارى پرەزيدەنتتىڭ كوزدەن كەشىرۋ بارىسىندا وسى قالانىڭ زەڭبىرەك بومبىسى سوققىسىنا ۇشىراعاندىعىن ايتتى.

رەسەيدىڭ سىرتقى ىستەر مينيسترلىگى 6-ايدىڭ 20-كۇنى مالىمدەمە جاريالاپ، ليتۆاننىڭ ٴوز جەرىندەگى تەمىرجول ارقىلى رەسەيدىڭ كالينينگراد وبلىسىنا زات تاسىمالداۋعا تيىم سالعاندىعىنا نارازىلىق ٴبىلدىردى ٴارى ەگەر ليتۆان تاسىمالدى قالپىنا كەلتىرمەسە، رەسەيدىڭ قايتارما سوققى بەرەتىندىگىن ەسكەرتتى.


اۋدارعان:امانتاي مۇسايىپ ۇلى