رەسەي مەملەكەت قورعانىس مينيسترلىگىنىڭ سول كۇنى جاريالاعان سوعىس جاعدايى دوكلاتىندا بلاي دەپ ايتىلدى: ۋكراينا جاق كوپتەگەن شەپتەردەگى شايقاستا وراسان زور زيانعا ۇشىرادى. رەسەي اۋە ارمياسى ۋكراينانىڭ 5 قولباسشىلىق ورنى مەن 3 قارۋ-جاراق، وق-ٴدارى قامباسىن تالقاندادى. رەسەي چەچەن رەسپۋبليكاسىنىڭ باسشىسى كادروۆ 7-ايدىڭ 2-كۇنى قوعامدىق قارىم ـ قاتىناس مەديادا بىلاي دەدى : رەسەي ارمياسى مەن لۋگانسكي قارۋلى كۇشتەرى ليسچانسكي قالا ورتالىعىنا كىردى، قازىر قالاداعى قالدىق كۇشتەردى تازالاۋدا.

    ۋكراينا مەملەكەتتىك حابار اگەنتتىگى بىلاي دەپ حابارلادى: 7-ايدىڭ 2-كۇنى تۇستەن بۇرىنعا دەيىن، لۋگانسكي، دونەتسكي، چەرنيگوۆ، حاركوۆ، نيكولايەۆ جانە حەرسون قاتارلى جەرلەر رەسەي ارمياسىنىڭ شابۋىلىنا ۇشىرادى. ودەسسا وبىلىسىنىڭ اسكەري-اكىمشىلىك جاۋاپتىسى براچۋك بىلاي دەدى: ۋكراينا قارۋلى بولىمدەرى رەسەي ارمياسى جىلاندى ارالدان شەگىنىپ شىققاننان كەيىن قالعان قارۋ - جاراقتار مەن اۆتوموبيل سياقتىلاردى تالقاندادى. ۋكراينا مەملەكەت قورعانىس مينيسترلىگى بىلاي دەپ حابارلادى: ۇكراينا قارۋلى كۇشتەرى العان گەرمانيا PzH-2000 تۇرپاتتى اۆتوماتتى بومبى اتۋ زەڭبىرەگى شىعىس ۋكرايناداعى الدىڭعى شەپتە سوعىسقا ىستەتىلدى.

اۋدارعان: قاناتبەك جۇماباي ۇلى