ءوز حابارىمىز. ا ق ش–نىڭ « توسقاۋىل » توراپ بەكەتىندە 7-ايدىڭ 3-كۇنى بىلاي دەپ حابارلاندى: يە بولعان قاتىستى قۇجاتتاردا كورسەتىلۋىنشە، 2017 – جىلدان 2020 – جىلعا دەيىن ا ق ش قورعانىس مينيسترلىگى «127 e» اتتى قۇپيا نىسان ارقىلى بۇكىل جەر شارىندا كەمىندە 23 رەت ۋاكىلدىك ەتۋشىلەر قۇپيا اسكەري قيمىلىن ورىستەتكەن، مۇنىڭ ىشىندە كەمىندە 14 رەتكى ارەكەت 2020–جىلعا دەيىن ءالى دە قاۋىرت كۇيدە تۇرعان، بۇل ارەكەتتەر ورتا شىعىس جانە ازيا–تىنىق مۇحيت رايونىنا، جۇيەدەن ليۆان، سيريا، يەمەن، ەگيپەت قاتارلى ەلدەرگە سايادى. وسىدان بۇرىن كەيبىر مەديالاردا ا ق ش–نىڭ كوپتەگەن افريكا ەلدەرىندە «127  e» نىسانىن ورىستەتكەندىگى حابارلانعان بولاتىن. 

 

«توسقاۋىل» توراپ بەكەتىندە تاعى دا مىناداي دەپ حابارلاندى: ا ق ش وسى نىسان ارقىلى شەتەلدەگى قارۋلى كۇشتەرىن قارۋ-جاراق، تاربيەلەۋ جانە اقپار-مالىمەت سياقتىلارمەن قامدايدى، بۇل قارۋلى كۇشتەر ا ق ش جەتەكشىلىك ەتكەن مىندەتتەردى اتقارىپ، اتالمىش «ا ق ش جاۋلارىنا» سوققى بەرەدى. اق ش-نىڭ بۇلاي ىستەۋىن سىنداۋشىلار جالپى بەتتىك بىلاي دەپ قاراۋدا، ا ق ش-نىڭ بۇلاي ىستەۋى ادامدىق ۇقىققا سۇعاناقتىق جاساعاندىق بولۋدان سىرت، دۇنيەنىڭ جەر–جەرىندە اسكەري قاقتىعىس اسقىنۋ حاۋىپىن تۋدىرىپ وتىر.

 

اۋدارعان: قاناتبەك جۇماباي ۇلى