ينفورماتسيا اشكەرەلەۋ: mzjubao@cnr.cn

حالىقارالىق حابارلار

رەسەي ەگەر زاپورجە يادرو ەلەكتر ستانسياسىن ەنەرگيامەن قامداۋعا كەپىلدىك ەتە الماسا، شىرعالاڭ تۋىلۋ قاتەرى زور دارەجەدە ارتادى دەپ ەسكەرتتى

来源:جۇڭگو قازاق راديو تورابى     |责编:古丽美热|     发布日期: 2022-11-25 11:20
 
ٴوز حابارىمىز. رەسەي مەملەكەتتىك اتوم ەنەرگياسى سەرىكتىگىنىڭ باس اتقارۋشى ٴمانساپتىسى 11-ايدىڭ 24-كۇنى بىلاي دەدى: ۋكراينا قارۋلى كۇشىنىڭ زەڭبىرەكپەن اتقىلاۋىنان، زاپوروجە يادرو ەلەكتر ستانسياسىنا باراتىن ەلەكتر جەتكىزۋ لەنيالارىنىڭ بارلىعى تۇگەيلدەي بۇلىنىپ، ۋاقىتشا قالپىنا كەلتىرۋ مۇمكىن بولماي قالدى. ەگەر يادرو ەلەكتر ستانسياسىن ەنەرگيامەن قامداۋعا كەپىلدىك ەتە الماساق، شىرعالاڭ تۋىلۋ قاتەرى زور دارەجەدە ارتادى. يادرو ەلەكتر ستانسياسى تۇرعان وڭىردە حاۋىپسىزدىك رايون قۇرۋ جونىندە رەسەي جاق حالىقارالىق اتوم ەنەرگيا قۇرىلىمىنىڭ باس ٴىس جۇرگىزۋشىسىمەن پىكىر اۋىستىرۋدا. الايدا ۋكراينا زاپوروجە يادرو ەلەكتر ستانسياسىنىڭ حاۋىپسىزدىگى جونىندە دەربەس بەلگىلەمە شىعارماۋى مۇمكىن. وسى ماسەلە جونىندە ۋكراينا قازىرشە جاۋاپ قايتارمادى.
 
 ۋكراينا زۇڭتۇڭ كەڭسەسىنىڭ ورىنباسار مەڭگەرۋشىسى 11-ايدىڭ 24-كۇنى ۋكراينانىڭ بارلىق رايونىنىڭ ەلەكتر قۋاتى قالپىنا كەلە باستاعاندىعىن، شەشۋشى نەگىزدىك قۇرىلعىلاردىڭ ەلەكتر قۋاتى الدىمەن جالعانىپ، تۇرعىندار وتباسىنا ەلەكتر تورابى بىرتىندەپ جەتكىزىلگەندىگىن ايتتى. سول كۇنى ۋكراينانىڭ زۇڭتۇڭى زەلەنسكي ەڭ جوعارى قولباسشىلىق شتابىنىڭ ٴماجىلىسىن باسقارىپ اشىپ، اسكەري ٴبولىمنىڭ قارۋ-جاراق، وق-ٴدارى جانە قىسقى زاتتىق قامتاماسىزداندىرۋ جاعدايىن تالقىلادى. ماجىلىستە تاعى ۋكراينا جاقتىڭ سەرىكتەس ەلدەرمەن اۋە شابۋىلىنان قورعانۋ قابىلەتىن جوعارىلاتۋ جاعىنداعى سەلبەستىكتى كۇشەيتۋ قاجەتتىلىگى باسا دارىپتەدى. 
 
اۋدارعان: نازار ٴارىپ ۇلى
 

中央广播电视总台 央广网 版权所有

رەسەي ەگەر زاپورجە يادرو ەلەكتر ستانسياسىن ەنەرگيامەن قامداۋعا كەپىلدىك ەتە الماسا، شىرعالاڭ تۋىلۋ قاتەرى زور دارەجەدە ارتادى دەپ ەسكەرتتى

ماجىلىستە تاعى ۋكراينا جاقتىڭ سەرىكتەس ەلدەرمەن اۋە شابۋىلىنان قورعانۋ قابىلەتىن جوعارىلاتۋ جاعىنداعى سەلبەستىكتى كۇشەيتۋ قاجەتتىلىگى باسا دارىپتەدى.