ٴوز حابارىمىز. رەسەي گازەتىنىڭ 11-ايدىڭ 24-كۇنگى حابارىنا قاراعاندا، رەسەي مەملەكەت قورعانىس مينيسترلىگىنىڭ ايتۋىنشا، رەسەي ا ق ش – تىڭ ۋكراينادا بيولوگيالىق قارۋ – جاراق ىستەتۋگە ۇرىنعاندىعىنىڭ دالەلدەرىن يەلەگەن. دالەل – ىسپاتتا كورسەتىلۋىنشە، ا ق ش ۋكراينادا ساقتالعان كوپ مولشەردەگى اۋرۋ قوزدىرعىش زاتتارعا تەكسەرۋ جۇرگىزگەن، سونىمەن بىرگە بيولوگيالىق قارۋ – جاراق تاسيتىن اۆتوماتتى تاسىمالداۋ جابدىعىنا يە بولۋدى جوسپارلاعان. بۇدان سىرت، ا ق ش-نىڭ ۋكراينادا شۇعىلدانعان بيولوگيالىق زەرتتەۋ قىزمەتى ەمدەۋ، دەنساۋلىق ساقتاۋ قاتارلى جاقتارعا باعىتتالماعان، ويتكەنى ا ق ش ۋكراينادا جۇرگىزگەن زەرتتەۋ قىزمەتى ۋكراينادا بايقالماعان جۇقپالى اۋرۋ تۇرىنە نەگىزدەلگەن. ا ق ش پەن ۋكراينا شۇعىلدانىپ وتىرعان زەرتتەۋ قىزمەتىنىڭ جاريالى بولماۋى جانە ەكى ەلدىڭ رەسەي جاق ورتاعا قويعان ماسەلەلەرىنە تۇسىنىك جاساماعاندىقتان، رەسەي جاق قازىر يگەرگەن ماتەريالداردان وسى ەكى ەلدىڭ «بيولوگيالىق قارۋعا تيىم سالۋ شارتىنا» قايشىلىق جاساعان دالەلگە قول جەتكىزگەندىگىن ايتتى.