ينفورماتسيا اشكەرەلەۋ: mzjubao@cnr.cn

حالىقارالىق حابارلار

رەسەي جاق ۋكراينا اسكەرلەرىن اتىپ ءولتىرىپ، اسكەري جابدىقتارىن تالقانداعاندىعىن ايتتى، ۋكراينا جاق رەسەي ارمياسىنىڭ شابۋىلىن تويتارعاندىعىن ايتتى

来源:جۇڭگو قازاق راديو تورابى     |责编:达吾力别克 |     发布日期: 2023-01-20 11:01
ءوز  حابارىمىز. رەسەي مەملەكەت قورعانىس مينيسترلىگىنىڭ جەرگىلىكتى ۋاقىت 1-ايدىڭ 19-كۇنى جاريالاعان سوعىس جاعدايىنا نەگىزدەلگەندە، رەسەي ارمياسى كۋپيانسكي باعىتىندا 30 نەشە ۋكراينا اسكەرىن جايراتىپ، 1ساۋىتتى اۆتوموبيلىن، 2 اسكەري اۆتوموبيلىن جانە ءوز بەتىمەن اتىلاتىن 2 شاشىرامالى بومبىسىن كۇيرەتكەن. كراسني ليمان باعىتىندا ۋكراينانىڭ 60 نەشە اسكەرىن جايراتىپ، اسكەر تاسيتىن 1 ساۋىتتى اۆتوموبيلىن، 3 شاعىن جۇك اۆتوموبيلىن جانە ءوز بەتىمەن اتىلاتىن 1 شاشىرامالى بومبىسىن تالقانداعان. دونەتسكي باعىتىندا رەسەي ارمياسى ۋكراينانىڭ 80 نەشە اسكەرىن جويىپ، 2 ساۋىتتى اۆتوموبيلىن، 4 اسكەري اۆتوموبيلىن، 3 اۆتوماتتى زەڭبىرەگىن جانە باسقا دا كوپتەگەن زەڭبىرەك جۇيەسىن تالقاندادى. وڭتۇستىك دونەتسكي باعىتىندا رەسەي ارمياسى ۋكراينانىڭ 30 نەشە اسكەرىن، 2 ساۋىتتى اۆتوموبيلىن جانە 3 شاعىن جۇك اۆتوموبيلىن كۇيرەتتى. رەسەي اۋە ارمياسىنىڭ سوعىس ايروپلانى ۋكراينا ارمياسىنىڭ سوۆەت-25 تۇرپاتتى 1 سوعىس ايروپلانىن اتىپ ءتۇسىردى، رەسەيدىڭ اۋە شابۋىلىنان قورعانۋ قوسىنى ۋكراينا ارمياسىنىڭ 5 ۇشقىشسىز ۇشاعىن اتىپ ءتۇسىردى. 
 
   ۋكراينا قارۋلى قوسىنىنىڭ باس شتابى 1-ايدىڭ 19-كۇنى تاڭەرتەڭ سوعىس جاعدايىن حابارلاپ بىلاي دەدى: وتكەن 24 ساعات ىشىندە ۋكراينا ارمياسى رەسەي ارمياسىنىڭ دونەتسكي مەن لۋگانسكيدەگى 14 قونىس ءتۇيىنى ماڭىنداعى شابۋىلىن تويتاردى. ۋكراينا اۋە ارمياسى رەسەي اسكەرلەرى شوعىرلانعان اۋماقتى 13 رەت سوققىلاپ، رەسەي ارمياسىنىڭ اۋە شابۋىلىنان قورعانۋ باسقارىلمالى بومبى جۇيەسى شەبىن 3 رەت اتقىلادى. مۇنان سىرت، رەسەي ارمياسىنىڭ 1 تىك ۇشار ايروپلانى مەن ۇشقىشسىز ايروپلانى اتىپ ءتۇسىرىلدى. ۋكراينانىڭ باسقارىلمالى بومبى قوسىنى مەن زەڭبىرەكشى اسكەرلەر قوسىنى رەسەي ارمياسى مەڭگەرگەن 3 ورىندى، رەسەي اسكەرلەرى شوعىرلانعان 5 اۋماقتى، 1 وق-ءدارى قامباسىن جانە رەسەي جاقتىڭ باسقا دا 2 ماڭىزدى نىساناسىن دالمە-ءدال سوققىلادى.
 
اۋدارعان: امانتاي  مۇسايىپ ۇلى
 

中央广播电视总台 央广网 版权所有

رەسەي جاق ۋكراينا اسكەرلەرىن اتىپ ءولتىرىپ، اسكەري جابدىقتارىن تالقانداعاندىعىن ايتتى، ۋكراينا جاق رەسەي ارمياسىنىڭ شابۋىلىن تويتارعاندىعىن ايتتى

ەسەي مەملەكەت قورعانىس مينيسترلىگىنىڭ جەرگىلىكتى ۋاقىت 1-ايدىڭ 19-كۇنى جاريالاعان سوعىس جاعدايىنا نەگىزدەلگەندە، رەسەي ارمياسى كۋپيانسكي باعىتىندا 30 نەشە ۋكراينا اسكەرىن جايراتىپ، 1ساۋىتتى اۆتوموبيلىن، 2 اسكەري اۆتوموبيلىن جانە ءوز بەتىمەن اتىلاتىن 2 شاشىرامالى بومبىسىن كۇيرەتكەن. كراسني ليمان باعىتىندا ۋكراينانىڭ 60 نەشە اسكەرىن جايراتىپ