ينفورماتسيا اشكەرەلەۋ: mzjubao@cnr.cn

حالىقارالىق حابارلار

كوكتەم مەرەكەسى قارساڭىندا حالىقارالىق قۇرىلىمداردىڭ جاۋاپتىلارى، شەتەل ساياسي قايراتكەرلەرى جۇڭگو حالقىنا ىزگى تىلەك ءبىلدىردى

来源:جۇڭگو قازاق راديو تورابى     |责编:达吾力别克 |     发布日期: 2023-01-21 10:42
ءوز حابارىمىز. كوكتەم مەرەكەسى قارساڭىندا حالىقارالىق قۇرىلىمداردىڭ جاۋاپتىلارى، شەتەلدىڭ ساياسي قايراتكەرلەرى جۇڭگو حالقىنا ىزگى تىلەك تىلەپ، قويان جىلعى كوكتەم مەرەكەسىن قۇتتىقتادى. 
 
ب م ۇ نىڭ باس حاتشىسى گۋتەررەس بىلاي دەدى: قويان جىلى قارساڭىندا، مەن جۇڭگو حالقىنا ەڭ شىنايى سالەم جولدايمىن. مەن جۇڭگونىڭ  ب م ۇ عا پارمەندى سەرىك بولعانىنا، جۇڭگونىڭ حالىقارالىق سەلبەستىكتى قولداعاندىعىنا العىس ايتامىن. قول ۇستاسا سەلبەسۋ ارقىلى عانا بەيبىتشىلىكتى جەبەپ، باياندى دامۋدى ىلگەرىلەتىپ، ادامزاتقا اناعۇرلىم كوركەم دۇنيە قۇرا الامىز. ءۇمىت پەن شىت جاڭا باستامانىڭ جەبەۋىندە، سىزدەردىڭ جاڭا جىلدا دەنساۋلىقتارىڭىز مىقتى، باقىتتى باياشات بولۋلارىڭىزدى تىلەيمىن.
 
ب م ۇ-نىڭ 77-كەزەكتى جينالىسىنىڭ ءتوراعاسى كەلاش چاۋبو بىلاي دەدى: جۇڭگوداعى بارلىق دوستاردىڭ كوكتەم مەرەكەلەرىنىڭ قۇتتى بولۋىن، قويان جىلىنىڭ باقىت، شاتتىق سيلاۋىن تىلەيمىن.
 
پاكيستاننىڭ زۇڭتۇڭى اليف الۆي بىلاي دەدى: كوكتەم مەرەكەسى كوڭىلدى، قويان جىلى قۇتتى بولسىن. مەن پاكيستان مەن جۇڭگونىڭ سەلبەستىگىنىڭ بارعان سايىن تەرەڭدەۋىن، ەكى ەل حالقىنىڭ دوستىعىنىڭ جىلدان جىلعا بەكەمدەلۋىن ءۇمىت ەتەمىن.
 
فيليپپيننىڭ زۇڭتۇڭى ماركوس بىلاي دەدى: قويان جىلى ىرعىن ىرىس-قۇتايماس قۇت اكەلسىن.  جۇڭگونىڭ كوكتەم مەرەكەسى كەلۋ قارساڭىندا كوپشىلىككە ەڭ شىنايى تىلەك تىلەيمىن، قويان جىلىن قارسى الىپ، ومىرشەڭدىك كۇشكە تولى تىڭ داستان جازاتىن بولايىق.
 
تايلاندتىڭ زۇڭليى بايۇي تايلاند ۇكىمەتى مەن حالقى اتىنان جۇڭگو باسشىلارىنا، ۇكىمەتىنە جانە حالقىنا كوكتەم مەرەكەسىندىك ىزگى تىلەك تىلەپ بىلاي دەدى:   ومىرلەرىڭىز باقىتتى، كوڭىلدى، ىستەرىڭىز ءساتتى بولۋىن تىلەيمىن. بۇل بۇكىل تايلاند حالقىنىڭ شىن جۇرەكتەن شىققان  ىزگى تىلەگى، تايلاند پەن جۇڭگو دوستىعىنىڭ تاريحى ۇزاق، ەكى ەل دوستىعى جالعاسا بەرسىن.
 
اۋدارعان: قاناتبەك جۇماباي ۇلى
 
 

中央广播电视总台 央广网 版权所有

كوكتەم مەرەكەسى قارساڭىندا حالىقارالىق قۇرىلىمداردىڭ جاۋاپتىلارى، شەتەل ساياسي قايراتكەرلەرى جۇڭگو حالقىنا ىزگى تىلەك ءبىلدىردى

كوكتەم مەرەكەسى قارساڭىندا حالىقارالىق قۇرىلىمداردىڭ جاۋاپتىلارى، شەتەلدىڭ ساياسي قايراتكەرلەرى جۇڭگو حالقىنا ىزگى تىلەك تىلەپ، قويان جىلعى كوكتەم مەرەكەسىن قۇتتىقتادى.