ٴوز حابارىمىز.  رەسەي سىرتقى ىستەر مينيسترلىگىنىڭ مالىمدەمەشىسى زاحاروۆا  1-ايدىڭ 27-كۇنى بىلاي دەدى: باتىس ەلدەرىنىڭ ۋكراينانى تانكىمەن قامداۋى ولاردىڭ رەسەيمەن قارسىلاسۋىن  ونان ارى ۋشىقتىردى،  كەزەكتە تانا رەسەيمەن قارسىلاستىق جاعدايعا ٴوتتى، ونىڭ ۇستىنە بۇل جاعداي بارعان سايىن اسقىنىپ بارادى. رەسەي زۇڭتۇىنىڭ اقپارات حاتشىسى پەسكوۆ سول كۇنى باتىس ەلدەرىنىڭ ۇكىراينانى تانكى قاتارلى قۇرالدارمەن قامداۋى ۋكىراينا جاعدايىن بارعان سايىن اسقىندىردى دەدى. ۋكراينا شىعىس قۇراما ارمياسىنىڭ مالىمدەمەشىسى سەرگەي چەلەۆادي 1-ايدىڭ 27-كۇنى تەلەۆيزورداعى تىكە باعدارلامادا بىلاي دەدى: دونەتسكي رايونىنىڭ باتىس وڭتۇستىك بولەگىندەگى ۋحلايدار رايونىندا رەسەي مەن ۋكراينانىڭ قاقتىعىسى بىرنەشە ايعا جالعاستى.  كەزەكتە ەكى ەلدىڭ وسى وڭىردەگى قيان-كەسكى قاقتىعىسى ٴالى دە جالعاسۋدا، رەسەي ارمياسى شەپتى بۇزۋعا تالاپ رەت ۇرىندى، الايدا ۋكراينا ارمياسىنىڭ سوققىسىنا ۇشىرادى.

 

اۋدارعان:نازار ٴارىپ ۇلى