ٴوز حابارىمىز. جەرلىك ۋاقىت 3-ايدىڭ 19-كۇنى ەگيپەتتىڭ باسقارۋىندا پالەستين، يزرايل، يوردانيا، ا ق ش-تىڭ ساياسي جانە حاۋىپسىزدىك قىزمەتكەرلەرى قاتىناسقان پالەستين-يزرايل جاعدايىن ساباسىنا ٴتۇسىرۋدى ماقسات ەتكەن بەس جاق ٴماجىلىسى ەگيپەتتىڭ تەڭىز جاعالاۋىنداعى شارمەل-شايح قالاسىندا جابىلدى. ەگيپەت سىرتقى ىستەر مينيسترلىگىنىڭ مالىمدەمەشىسى بىلاي دەدى: وسى رەتكى ٴماجىلىس بيىلعى 2-ايداعى ياحابا ٴماجىلىسىنىڭ جالعاسۋى، مۇنداعى ماقسات پالەستين مەن يزرايلدىڭ بارلىق سىڭار جاقتى ارەكەت پەن زورلىقتى كۇش قاقتىعىستارىن توقتاتىپ، شۇعىل جاعدايدى باسەڭدەتىپ، بەيبىتشىلىك كەلىسسوزىنىڭ اياق الىسىن تەز ارادا قالپىنا كەلتىرۋگە جەبەۋ. ٴماجىلىس اياقتاعاننان كەيىن جاريالانعان مالىمدەمەدە پالەستين مەن يزرايل سىڭار جاقتى بارلىق شارالاردى دەرەۋ اياقتاتۋدا ارەكەتكە كەلۋگە ۋادە بەردى.