ٴوز حابارىمىز. رەسەيدىڭ مەملەكەت قورعانىس مينيسترلىگى 5-ايدىڭ 31-كۇنى مىنانى جاريالادى: رەسەي اۋە ارمياسى جۋىقتا ودەسسا كەمەجايىنداعى اسكەري كەمەلەر تۇرعان الاپتى جوعارى دالدىكتەگى قارۋمەن سوققىلاپ، ۋكراينا تەڭىز ارمياسىنىڭ ەڭ سوڭعى سوعىس كەمەسى بولعان «يۋري وليفيلەنكو» اتتى كەمەسىن قيراتتى. ۋكراينا قارۋلى قوسىنىنىڭ باس اقىلشىلار شتابى 5-ايدىڭ 31-كۇنى سوعىس جاعدايىن حابارلاپ بىلاي دەدى: رەسەي ارمياسى نەگىزگى اسكەري كۇشىن لۋگانسكي مەن دونەتسكي رايونىنا جالعاستى شوعىرلاندىردى. وتكەن 24 ساعات ىشىندە ۋكراينانىڭ قارۋلى قوسىنى رەسەي ارمياسىنىڭ 22 رەتكى شابۋىلىن تويتاردى، سونىمەن بىرگە ۋكراينا اۋە ارمياسى رەسەيدىڭ اسكەري كۇشى مەن قارۋ - جاراقتارى شوعىرلانعان رايونعا 11 رەت سوققى بەردى.

اۋدارعان: امانتاي مۇسايىپ ۇلى