ٶز حابارىمىز. ليۆيا ۇلتتىق ىنتىماق ۇكىمەتى دەنساۋلىق ساقتاۋ مينيسترىنىڭ ورىنباسارى ۆاكيل 9-ايدىڭ 13-كۇنى بىلاي دەدى: ليۆيانىڭ شىعىس رايوندارداعى تاسقىن اپاتىندا قازا بولعانداردىڭ سانى 6000 نان استى. ،قازا بولعانداردىڭ سانى قازىرشە تۇراقتاندى، مۇنىڭ ىشىندە درنا قالاسىندا قازا بولعانداردىڭ سانى ەڭ كوپ ، سونىمەن بىرگە ولگەندەردىڭ سانى الداعى بىرنەشە ساعات ىشىندە ارتۋى مۇمكىن. بۇدان سىرت، حالىقارالىق كوشپەندىلەر ۇيىمىنىڭ حابارىنا قاراعاندا ، وسى كەزەكتى تاسقىن اپاتىندا 100 مىڭ جان سانى بار درنا قالاسىندا 35 مىڭ ادام پاناسىز قالعان. ليۆيا شىعىس ،رايونىنداعى ۇكىمەتتىڭ ٴبىر مينيسترى سول كۇنى اپات ەڭ اۋىر بولعان درنا قالاسىنان 5300 دەن استام مۇردەنى بايقاعاندىعىن، ولگەندەردىڭ سانى زور مولشەردە ارتاتىندىعىن، ٴتىپتى ەسەلەپ ارتۋى مۇمكىن ەكەندىگىن ايتتى. 9-ايدىڭ 13-كۇنى ، ليۆيا ۇكىمەتى اسكەري ٴبولىمنىڭ قۇتقارۋ قىزمەتىن قولداۋ ٴۇشىن، درنا قالاسىنداعى بارلىق تۇرعىنداردى تەزدەن شەگىنۋگە ۇندەدى.