جين جىڭىن رەسەي اۋە ارمياسى مەن تىنىق مۇحيت كەمە قۇراماسىنىڭ جابدىقتارىن ەكسكۋرسيالادى
ءوز حابارىمىز. چاۋشيان ەڭبەك پارتياسىنىڭ باس شۋجيى، مەملەكەت ىستەر كوميتەتىنىڭ باستىعى جين جىڭىن جەرگىلىكتى ۋاقىت 9-ايدىڭ 16-كۇنى رەسەيدىڭ قيىر شىعىس وڭىرىندەگى ەڭ ۇلكەن قالا ۆلاديۆوستوك قالاسىنا باردى ءارى رەسەيدىڭ قورعانىس مينيسترى شويگۋمەن كەزدەستى.
رەسەي اقپارات اگەنتتىگىنىڭ 9-ايدىڭ 16-كۇنگى حابارىنا قاراعاندا، جين جىڭىن سول كۇنى رەسەيدە جالعاستى ساپاردا بولعان. سول كۇنى ول شويگۋدىڭ سەرىك بولۋىندا رەسەي اۋە ارمياسىنىڭ وسىزاماندانعان اۆياتسيا جابدىقتارىن ەكسكۋرسيالاعان. شويگۋ جين جىڭىنعا رەسەي ارمياسىنىڭ سوعىس ۇشاقتارىن كورسەتتى. بۇدان سىرت، جين جىڭىن ۋليس شىعاناعىنداعى رەسەي تىنىق مۇحيت كەمە قۇراماسىنىڭ "شاپوشنيكوۆ مارشال" اتتى قورعاۋشى كەمەسىن ەكسكۋرسيالادى.
ۋكراينا حالىقارالىق تەلەگراف اگەنتىگى9-ايدىڭ 16-كۇنى ۋكراينا زۇڭليىنىڭ ورىنباسارى كۇبراكوۆتىڭ سوزىنەن سيتات كەلتىرىپ بىلاي دەدى: رەسەي قارا تەڭىز كەمەجايىندا اۋىلشارۋاشىلىق ونىمدەرىن سىرتقا تاسۋ كەلىسىمىنەن شەگىنىپ شىققاننان كەيىن، ەكى جۇك پاراحوتى ۇكىراينا اشقان تەڭىز ۇستى ۋاقىتتىق كاريدورى ارقىلى ۋكىراينا كەمەجايىنا جول الدى. بۇل رەسەي وسى كەلىسىمنەن شەگىنىپ شىققاننان كەيىنگى تۇڭعىش توپتاعى ۋكراينا پورتىنا بارعان حالىقتىق جۇك پاراحوتى.
اۋدارعان: شالقار قازەز ۇلى
