ليبياداعى تاسقىن اپاتىنان قۇتقارۋ قىزمەتى جالعاستى جۇرگىزىلۋدە
ٶز حابارىمىز. ليبيانىڭ شىعىس بولەگىندەگى رايونداردا تاسقىن اپاتىنان ىزدەستىرۋ-قۇتقارۋ قىزمەتى جالعاستى جۇرگىزىلۋدە. ليبيا مەديالارىنىڭ 9-ايدىڭ 17-كۇنگى حابارىنا قاراعاندا، ليبيا ۇلتتىق ىنتىماق ۇكىمەتىنىڭ ايتۋىنشا، جەرگىلىكتى ورىندا از دەگەندە 891 عيماراتتى تاسقىن بۇكىلدەي ويرانداعان، بۇدان سىرت 211 عيماراتتىڭ ٴبىر ٴبولىمى ٴبۇلىنىپ، 398 عيماراتتى لاي باسىپ كەتكەن. درنا قالاسىنداعى قۇرىلىستاردىڭ تورتتەن ٴبىرى سەل اپاتىندا ويراندالعان.
ب م ۇ ادامگەرشىلىك ىستەرىن سايكەستىرۋ كەڭسەسىنىڭ ساندى مالىمەتىنە نەگىزدەلگەندە، قازىرگە دەيىن درنا قالاسىندا كەم دەگەندە 11 مىڭ 300 ادام ولگەن، بۇدان سىرت 10 مىڭ 100 ادام ٴىز-توزسىز كەتكەن. درنا قالاسىنىڭ باستىعى بىلاي دەدى: درنا قالاسىنداعى 120 مىڭداي تۇرعىننىڭ 20 مىڭى تاسقىن اپاتىندا قازا بولعان بولۋى مۇمكىن.
اۋدارعان: باتىل نۇرلان ۇلى
