موسكۆا قالا ماڭىنداعى مۋزيكا زالى تەررورلىق شابۋىلعا ۇشىرادى
来源:جۇڭگو قازاق راديو تورابى |责编:巴特勒| 发布日期: 2024-03-23 13:14
ءوز حابارىمىز. رەسەيدىڭ استاناسى موسكۋانىڭ ماڭىنداعى گراسنوگورسيك قالاسىنداعى ءبىر مۋزيكا زالىندا 3-ايدىڭ 22-كۇنى كەشتە وق شىعارۋ وقيعاسى تۋىلىپ، 40 ادام ءولىپ، 100 دەن استام ادام جارالاندى.جارالىلار دوحتىرحاناعا جەتكىزىلدى، 50 قانشا قۇتقارۋ اترەتى مەن ەمدەۋ اترەتى شۇعىل قۇتقارۋ ناق مايدانىنا بارىپ جەدەل قۇتقارۋ جۇرگىزدى.
رەسەي سىرتقى ىستەر مينيسترلىگى سول كۇنى: وق شىعارۋ وقيعاسىن تەررورلىق شابۋىل دەپ تۇراقتاندىردى. رەسەي فەدەراتسيالىق بارلاۋ كوميتەتى قىلمىستىق ىستەرگە دەلو تۇرعىزىپ تەكسەرۋ جۇرگىزدى. حابارعا قاراعاندا، اسكەري كيىم كيگەن سالاۋاتى بەلگىسىز بىرنەشە ادام مۋزيكا زالىنا گرانات جانە بومبى تاستاعان. مۋزيكا زالى ورنالاسقان قۇرىلىستىڭ ءورت كەتكەن اۋدانى شامامەن 14 مىڭ شارشى مەترگە جەتىپ، ءورت جاعدايى ءالى تىزگىندەلمەدى. موسكۆا قالاسىنىڭ باستىعى وسى اپتانىڭ سوڭىندا بارلىق كولەمدى بۇقارالىق قيمىلداردى كۇشىنەن قالدىرۋدى جاريالادى.
اۋدارعان: كۇلان ىرىسباي قىزى