ءوز  حابارىمىز. سيريانىڭ ارميا جاعى 3-ايدىڭ 26-كۇنى مالىمدەمە جاريالاپ، ا ق ش  ارمياسىنىڭ سول كۇنى تاڭ سارىدە سوعىس ايروپلاندارى جانە ۇشقىشسىز ايروپلاندارىن شىعارىپ سيريانىڭ شىعىس بولەگىنە ورنالاسقان دارزور ولكەسىندەگى كوپتەگەن قالا-قالاشىق، قىستاق جانە اسكەري بەكىنىستەرگە اۋەدەن شابۋىل جاساپ، بۇدان نەشە ونداعان ادامنىڭ ولگەن-جارالانعاندىعىن ايتتى. سيريا سىرتقى ىستەر مينيسترلىگى سول كۇنى كەشتە مالىمدەمە جاريالاپ، ا ق ش-تىڭ «شاپقىنشىلىق» ارەكەتىن ايىپتادى. سيرياداعى يران باس ەلشىحاناسىنىڭ حابارىنا قاراعاندا، يران ءىسىلام توڭكەرىستىك قوسىنىنىڭ ءبىر مۇشەسى سول كۇنى تاڭعى اۋە شابۋىلىندا قازا بولعان.