يراننىڭ ەڭ جوعارى باسشىسى ( حاماس ) ساياسي بيۋروسىنىڭ باسشىسىمەن كەزدەستى
来源:جۇڭگو قازاق راديو تورابى |责编:达吾力别克 | 发布日期: 2024-03-27 17:23
ءوز حابارىمىز. يراننىڭ ەڭ جوعارى باسشىسى حامەنەي 3-ايدىڭ 26-كۇنى يراننىڭ استاناسى تەھراندا ساپارلاي بارعان پالەستين ءىسىلام قارسىلىق ارەكەتى ( حاماس ) ساياسي بيۋروسىنىڭ باسشىسى حانيامەن كەزدەستى. حامەنەي بىلاي دەدى: يران پالەستيننىڭ جۇرگىزىپ جاتقان ىستەرىن، سونداي اق ەزگىگە ۇشىراپ تاۋقىمەت تارتىپ جاتقان پالەستين حالقىن جالعاستى قولدايدى.
اراب جاساندى سەرىك تەلەۆيزيا ستانسياسى 3-ايدىڭ 26-كۇنى كەشتە يزرايلدىڭ ءبىر ءمانساپتىسنىڭ سوزىنەن سيتات كەلتىرىپ بىلاي دەپ حابارلادى: كاتاردىڭ استاناسى دوحادا وتكىزىلگەن گازا وڭىرىندەگى سوعىستى توقتاتۋ كەلىسىمى سۇحباتىنا قاتىناسقان يزرايل ۋاكىلدەر ۇيىرمەسىن يزرايل ۇكىمەتى شاقىرىپ اكەتتى.
اراب بىرىككەن امىرلىگى مەملەكەت قورعانىس مينيسترلىگىنىڭ بىرلەسپە ارەكەت قولباسشىلىق شتابى 3-ايدىڭ 26-كۇنى كەشتە اراب بىرىككەن امىرلىگىنىڭ اۋە ارمياسى مەن ەگيپەت اۋە ارمياسىنىڭ سول كۇنى گازا ءوڭىرىنىڭ سولتۇستىك بولەگىندە 15-رەت ادامگەرشىلىك تۇرعىدا اۋەدەن كومەك زاتتارىن تاستاعاندىعىن ايتتى.
گازا وڭىرىندەگى دەنساۋلىق ساقتاۋ تاراۋى 3-ايدىڭ 26-كۇنى مالىمدەمە جاريالاپ بىلاي دەدى: وتكەن 24 ساعاتتا يزرايل ارمياسى گازا وڭىرىندە 8 ءتۇرلى اسكەري ارەكەت ورىستەتىپ، 81 ادامدى ءولتىرىپ، 93 ادامدى جارالادى. پالەستين مەن يزرايلدىڭ وسى رەتكى قاقتىعىسىنان 32 مىڭ 400 دەن استام ادام ءولدى.
اۋدارعان: امانتاي مۇسايىپ ۇلى