يزرايل ۋاكىلدەر ۇيىرمەسىن ەگيپەتكە جىبەرىپ، پالەستين جاقپەن سوعىس توقتاتۋ كەلىسسوزىنە قاتىناسادى
来源:جۇڭگو قازاق راديو تورابى |责编：达吾力别克 | 发布日期: 2024-04-30 12:45
ءوز حابارىمىز. يزرايل ۇكىمەتىنىڭ ءمانساپتىسى 4-ايدىڭ 29-كۇنى يزرايل جاقتىڭ 4-ايدىڭ 30-كۇنى ۋاكىلدەر ۇيىرمەسىن ەگيپەتكە جىبەرىپ، پالەستين جاقپەن سوعىس توقتاتۋ كەلىسسوزىنە قاتىناساتىندىعىن راستادى. وسى ءمانساپتى يزرايل ۋاكىلدەر ۇيىرمەسىنىڭ اقپار تاراۋىنىڭ ءمانساپتىلارىنان قۇرالعاندىعىن ايتتى، الايدا ول كەلىسسوزدىڭ جاي-جاپسارى مەن يزرايلدىڭ سوعىس توقتاتۋ شارتىن ايتۋدان باس تارتتى.
پالەستين ءىسلام قارسىلىق قوزعالىسى (حاماس) 4-ايدىڭ 29-كۇنى مالىمدەمە جاريالاپ بىلاي دەدى: ەگەر گازا وڭىرىندە سوعىستى ماڭگىلىك توقتاتۋ، يزرايل ارمياسىنىڭ شەگىنۋى جانە بارلىق رايوندارداعى بوسقىنداردىڭ مەكەنىنە قايتۋى جونىندە كەلىسىم جاسالماسا، ءارقانداي كەلىسىم ناتيجەسىز بولادى.
ەگيپەت حاۋىپسىزدىك تاراۋىنىڭ جاعدايدان حاباردار قايراتكەرى 4-ايدىڭ 29-كۇنى كەشتە بىلاي دەدى: كايروعا كەلىپ گازاداعى سوعىستى توقتاتۋ كەلىسسوزىنە قاتىناسقان حاماس ۋاكىلدەر ۇيىرمەسى كايرودان كەتتى، سونداي-اق ىشكى تالقى اياقتاعاننان كەيىن حاماس جاقتىڭ ەڭ جاڭا سوعىس توقتاتۋ جوباسى جونىندەگى جازباشا جاۋابىن الىپ كايروعا قايتا كەلەدى.
اۋدارعان: امانتاي مۇسايىپ ۇلى
