ءوز حابارىمىز. مەملەكەت ءتوراعاسى شي جينپيڭ ۆەنگريادا مەملەكەتتىك ساپاردا بولۋ قارساڭىندا،  جۇڭگو ورتالىق راديو-تەلەۆيزيا باس ستانسياسى مەن ۆەنگريا ATV تەلەۆيزياسى بىرلەسىپ وتكىزگەن «جۇڭگو كەسكىن ماۋسىمى» قيمىلىنىڭ ۆەنگرياداعى كورمەسى جەرگىلىكتى ۋاقىت 4-ايدىڭ 29-كۇنى بۋداپەشتتە باستالدى. باس ستانسيانىڭ 10 نەشە ءتول كينو-تەلەۆيزيا سارا تۋىندىلارى ۆەنگريانىڭ جەرگىلىكتى مەديالارى ارقىلى قويىلىپ،  ۆەنگريا كورەرمەندەرىنە جاڭا داۋىردەگى جۇڭگونىڭ ومىرشەڭدىك كۇشى ايگىلەنىپ،  جۇڭگو مەن ۆەنگريا حالقىنىڭ دوستىق بارىس-كەلىسىندەگى جاندى حيكايالار بايىمدالىپ،  ەكى ەلدىڭ ءوزارا ءتۇسىنىسۋ،  ءوزارا ۇلگى الۋ،  سەلبەسىپ تەڭ يگىلىككە كەنەلۋدەي تاماشا تىلەكتەرى ايگىلەندى.

 

ورتالىق ۇگىت ءبولىمىنىڭ ورىنباسار باستىعى،  ورتالىق راديو-تەلەۆيزيا باس ستانسياسىنىڭ باستىعى شىن حايشيۇڭ،  ۆەنگريانىڭ بۇرىنعى زۇڭليى مايجەش پەتر،  ۆەنگرياداعى جۇڭگونىڭ باس ەلشىسى گۇڭ تاۋ،  ۆەنگريا ATV مەديا توبىنىڭ ءتوراعاسى كوۆاچ تاۋماش بەينە ەكران ارقىلى ءسوز سويلەدى.

 

«جۇڭگو كەسكىن ماۋسىمى» قيمىلى ۆەنگريادا 5-ايدىڭ باس شەنىنە دەيىن وتكىزىلەدى،  باس ستانسيانىڭ « جۇڭگو اسەمونەرى »،  «ۇستىرتتە»،  «ومىرشەڭدىككە تولى سارى دالا»،  «ءبىر بەلدەۋ،  ءبىر جولداعى ۆەنگريا ەلشىلەرى» سياقتى كينو-تەلەۆيزيا سارا تۋىندىلارى ۆەنگريا ATV تەلەۆيزياسىندا جانە ونىڭ جاڭا مەديا تەكشەسىندە تاراتىلادى.

 

ۆەنگريانىڭ پەشت اقپارات تورابى،  ۆەنگريا پەشت ورتالىق تورابى،  ۆەنگريانىڭ شىعىس تۇرمىس تورابى،  بۋداپەشت ورتالىق تەلەۆيزياسى سياقتى ۆەنگريانىڭ كوپتەگەن مەديالارى كورمە قيمىلىن حابارلادى.

 

اۋدارعان: امانتاي مۇسايىپ ۇلى