ەگيپەت پەن كاتار باسشىلارى گازا وڭىرىندەگى قاقتىعىستى اياقتاتۋعا ۇزدىكسىز تىزە قوسا قۇلشىناتىندىقتارىن ايتتى
来源:جۇڭگو قازاق راديو تورابى |责编:巴特勒| 发布日期: 2024-05-01 11:18
ءوز حابارىمىز. ەگيپەتتىڭ زۇڭتۇڭى سيسي 4-ايدىڭ 30-كۇنى كاتاردىڭ ءامىرى، ياعني مەملەكەت باسشىسى تاميممەن تەلەفوندا سويلەستى، ەكى جاق گازا وڭىرىندەگى قاقتىعىستى اياقتاتۋعا ۇزدىكسىز تىزە قوسا قۇلشىناتىندىقتارىن ايتتى.
ەگيپەت زۇڭتۇڭ سارايى مىناداي مالىمدەمە جاريالادى: ەكى ەل باسشىلارى تەلەفوندا گازا وڭىرىندەگى سوعىستى توقتاتۋ، پالەستين مەن يزرايلدىڭ قارسى جاق بارىمتالارىن بوساتۋى، سونداي-اق جەتكىلىكتى مولشەردەگى ادامگەرشىلىك كومەك زاتتارىنىڭ گازا وڭىرىنە جەتكىزىلۋىنە كەپىلدىك ەتۋ جولىندا جاسالعان قۇلشىنىستار مەن ەڭ جاڭا ىلگەرىلەۋشىلىكتەردى تالقىلادى.
مالىمدەمەدە بىلاي دەلىندى: قاقتىعىستى اياقتاتۋ، ءوڭىردى قاقتىعىس اسقىنۋىنىڭ كەسىرىنەن قورعاۋ جانە ءوڭىردىڭ حاۋىپسىزدىگى مەن ورنىقتىلىعىن قالپىنا كەلتىرۋ ءۇشىن ەكى جاق ۇزدىكسىز بىرگە قۇلشىنادى ءارى ءارقايسى جاقتارمەن بارىس-كەلىس جاسايدى.
ب م ۇ-نىڭ باس حاتشىسى گۋتەررەس 4-ايدىڭ 30 -كۇنى تىلشىلەردى قابىلداپ، يزرايل مەن پالەستين ءىسلام قارسىلىق قوزعالىسى ( حاماستى ) ادامگەرشىلىك ءۇشىن سوعىس توقتاتۋ سياقتى ىستەر جونىندە كەلىسىمگە كەلۋگە قۋزادى.
گۋتەررەس تاعى بىرلەسكەن مەملەكەتتەر ۇيىمىنىڭ "ەكى ەل جوباسىن" قولدايتىندىعىن قايتالاي دارىپتەدى.
اۋدارعان: امانتاي مۇسايىپ ۇلى