ءوز حابارىمىز. ۋكراينا مەديالارىنىڭ 4-ايدىڭ 30-كۇنگى حابارىنا قاراعاندا، سول كۇنى تاڭ سارىدە ۋكراينا ارمياسى ا ق ش قامداعان قۇرلىق ارمياسىنىڭ تاكتيكالىق باسقارىلمالى بومبىسىن ىسكە قوسىپ قىرىمعا كەڭ كولەمدى شابۋىل جاساعان. 

 ۋكراينانىڭ « تولعاقتى ءتۇيىن » اپتالىق جۋرنالىنىڭ توراپ بەكەتىندە زاپوروجە رايونىنداعى اقپارات قىزمەتكەرى روگوۆتىڭ الەۋمەتتىك جەلىدە جاريالاعان حابارىنان سيتات كەلتىرىلىپ بىلاي دەلىندى: قىرىمدا اۋە شابۋىلىنان قورعانۋ دابىلى قاعىلدى، رەسەي ارمياسىنىڭ اۋە شابۋىلىنان قورعانۋ جۇيەسى قىرىمنىڭ ورتالىعى سيم فە روپول قالاسى مەن قىرىمنىڭ سولتۇستىگىندەگى چامكوي قالاسىنىڭ كەڭىستىگىندە ىسكە قوسىلدى. قىرىم كوپىرى قىسقا ۋاقىت جابىلدى. 

 

 تاسس اگەنتتىگى 4-ايدىڭ 30-كۇنى قىرىم رايونىنىڭ اكىمى اكسونوۆتىڭ سوزىنەن سيتات كەلتىرىپ بىلاي دەپ حابارلادى: ا ق ش-تىڭ ۋكرايناعا كومەككە بەرگەن قۇرلىق ارمياسىنىڭ تاكتيكالىق باسقارىلمالى بومبىسى قىرىم كەڭىستىگىندە اتىپ تۇسىرىلگەننەن كەيىن سيم فە روپول قالاسىندا پارتىلاتىلماعان بومبى بايقالدى. اكسونوۆ الەۋمەتتىك جەلىدە ءسوز قالدىرىپ، قاۋىمعا پارتىلاتىلماعان بومبىعا جولاماۋدى ەسكەرتتى.

 

اۋدارعان: امانتاي مۇسايىپ ۇلى