ءوز حابارىمىز. يزرايل مەملەكەت قورعانىس ارمياسى 5-ايدىڭ 1-كۇنى بىلاي دەدى: يزرايل سوعىس ايروپلانىن شىعارىپ، گازا رايونىنداعى پالەستين يسىلام قارسىلىق قوزعالىسى حاماستىڭ جانە پالەستين يسىلام عازاۋات ۇيىمى جەحادتىڭ قىرۋار اسكەري نىسانالارىنا اۋەدەن شابۋىل جاسادى، بۇل نەگىزىنەن قارۋ-جاراق قامباسى، اسكەري قۇرىلىستار، راكاتا وعى جانە مينومەت اتۋ ءتۇيىنى قاتارلىلاردى قامتيدى.

 

 گازا ءوڭىرىنىڭ ورتا بولەگىندە يزرايل ارمياسى پالەستيندىك كوپتەگەن قارۋلىنى اتىپ ءولتىردى. يزرايل ارمياسى ءبىر قۇرىلىستى ءتىنتۋ بارىسىندا قىرۋار قارۋ-جاراق، قۇجات، ماتەريال جانە اسكەري جابدىقتاردى بايقادى.

 

 پالەستين يسىلام قارسىلىق قوزعالىسى حاماستىڭ اقپارات كەڭسەسى 5-ايدىڭ 1-كۇنى مالىمدەمە جاريالاپ، گازادا قازىرگى جۇمىسسىزدىق مولشەرى %75 كە جەتتى، پالەستين-يزرايل قاقتىعىسى تۋىلعاننان كەيىنگى ءۇش ايدا گازادا 200 مىڭنان استام ادام قىزمەتىنەن ايىرىلدى،-دەدى. ساناققا قاراعاندا، گازاداعى كەدەيلىك مولشەرى %90 تەن اسقان، ەكونوميكالىق ۇيىمداردىڭ %95ى جۇمىس توقتاتقان.

 

 حاماس بايانداما جاريالاپ، گازانىڭ ورتا ءبولىمى مەن وڭتۇستىگىندەگى استىق داعدارىسىن باسەيتۋ، گازانىڭ سولتۇستىگىندەگى اشارشىلىقتى اياقتاتۋ ءۇشىن، يزرايلدى گازاعا تۇتاساتىن بارلىق شەكارا وتكەلدەرىن ماڭگىلىك اشىپ، كەم دەگەندە كۇن سايىن 1000 جۇك اۆتوموبيلىنىڭ گازاعا كىرۋىنە سەلبەسۋگە ۇندەدى، يزرايل مەملەكەت قورعانىس ارمياسى يزرايل ارمياسىنىڭ 5-ايدىڭ 1-كۇنى ەرەز وتكەلىن قايتادان اشىپ، ءتىپتى دە كوپ ادامگەرشىلىك كومەكتىڭ گازا رايونىنا كىرۋىنە رۇحسات ەتكەندىگىن جاريالادى.

 

 ب ۇ-نىڭ مالىمدەمەشىسى 5-ايدىڭ 1-كۇنى بىلاي دەدى: ب م ۇ جينالىسى 5-ايدىڭ 10-كۇنى 10-كەزەكتى شۇعىل ەرەكشە ءماجىلىس اشىپ، پالەستين-يزرايل ماسەلەسىن تالقىلايدى. 

 

 ب م ۇ جينالىسى ا ق ش وسىدان بۇرىن پالەستيننىڭ ب م ۇ-نىڭ رەسمي مۇشە ەلى بولۋىن ءوتىنىش ەتۋى جونىندەگى حاۋىپسىزدىك القالار كەڭەسىنىڭ قاۋلى جوباسىن تەرىسكە شىعارعاندىعى سەبەپتى وسى رەتكى شۇعىل ءماجىلىستى اشتى. پالەستيننىڭ ب م ۇ-داعى تۇراقتى بايقاۋشىسى مانسۇر 5-ايدىڭ 1-كۇنى ب م ۇ جينالىسىنىڭ ا ق ش-نىڭ تەرىستەۋ ۇقىعىن ىستەتۋ جونىندەگى ايتىس جىيىندا ءسوز سويلەپ، ب م ۇ-دان پالەستين مەملەكەتىنىڭ ب م ۇ-عا رەسمي مۇشە بولۋىن انىق قولداۋدى ءارى حاۋىپسىزدىك القالار كەڭەسىنەن بۇل ماسەلەنى قايتا قاراپ شىعۋدى تالاپ ەتۋىن ءۇمىت ەتتى.

 

 كولومبيانىڭ زۇڭتۇڭى پەترو 5-ايدىڭ 1-كۇنى لەكسياسىندا يزرايلدىڭ گازاداعى ءناسىلدىك قۇرتۋ قىلمىسىنا قارسى تۇرۋ ءۇشىن، 5-ايدىڭ 2-كۇنى يزرايلمەن ديپلوماتيالىق قاتىناسىن ۇزەتىندىگىن جاريالادى. 

 

اۋدارعان: گۇلنۇر قابىلقاق قىزى