يزرايل ارمياسى گازا ءوڭىرىنىڭ كوپ جەرىن بومبىلادى، حاماس يزرايلدىڭ ەكى بارىمتاسى ءولدى دەدى
来源:جۇڭگو قازاق راديو تورابى |责编:巴特勒| 发布日期: 2024-05-12 11:00
ءوز حابارىمىز. يزرايل ارمياسى 5-ايدىڭ 11-كۇنى گازاداعى رايونداردى بومبىلاپ، از دەگەندە 35 ادام ءولدى. بۇدان سىرت، يزرايل ارمياسى 5-ايدىڭ 11-كۇنى گازا ءوڭىرىنىڭ سولتۇستىگىندەگى جەباليە بوسقىندار لاگەرى مەن بايتراسيا قاتارلى جەرلەرگە قاراتا اسكەري قيمىل ورىستەتتى. يزرايل جاقتىڭ حابارىنا قاراعاندا، پالەستين قۇرالدىلارى گازا رايونىنىڭ سولتۇستىك رايونىنا قايتادان ورنالاسقاندىقتان، يزرايل ارمياسى وسى رايونعا اسكەري ارەكەت قوزعاۋعا ماجبۇر بولعان.
پالەستين ءىسلام قارسىلىق قوزعالىسى حاماسقا قاراستى اسكەري ۇيىم حاسان بريگاداسىنىڭ مالىمدەمەشىسى وسى ايدىڭ 11-كۇنى بىلاي دەدى: يزرايلدىڭ ەكى بارىمتاسى تاياۋدا ءولدى. مۇنىڭ ىشىندە 51 جاستاعى ءبىر ادام يزرايل ارمياسىنىڭ اۋە شابۋىلىندا جارالاندى، ەمدەۋ شارت-جاعدايى تولىق بولماعاندىقتان، جاراقاتى اسقىنىپ ءولدى. بۇل مالىمدەمەشى يزرايلدىڭ گازا شەكاراسى ىشىندەگى ەمدەۋ قۇرىلىمدارىنا جاساعان شابۋىلىنىڭ ەمدەۋ قىزمەت وتەۋىن ءۇزىپ تاستاعاندىعىن جازعىردى.
اۋدارعان: شالقار قازەز ۇلى