ب م ۇ-نىڭ تاياۋ شىعىس قۇتقارۋ قۇرىلىس باسقارماسى 5-ايدىڭ 12-كۇنى الەۋمەتتىك جەلىدە ارت-ارتىنان مالىمدەمە جاريالاپ، وتكەن ءبىر اپتادا رافا قالاسىندا شامامەن 300 مىڭداي تۇرعىن رافادان شەگىنىپ شىققاندىعىن ايتتى. يزرايل ۇكىمەتى زورلىقتى بىتىراتۋ بۇيرىعىن ۇزدىكسىز جاريالاپ، رافا بۇقاراسىن بوسىپ كەتۋگە ماجبۇرلەدى. يزرايل ارمياسىنىڭ ايتىلمىس "حاۋىپسىز رايون" دەگەنى شىلعي وتىرىك جانە وسى ارقىلى جاڭساقتىق تۋدىرۋدا.

 

گازا وڭىرىندەگى دەنساۋلىق ساقتاۋ تاراۋلارىنىڭ 5-ايدىڭ 12-كۇنى جاريالاعان ساندى مالىمەتىنە قاراعاندا، وتكەن ءبىر كۇندە يزرايل ارمياسىنىڭ گازا وڭىرىندەگى اسكەري ارەكەتىندە پالەستيندىك 63 ادام ءولىپ، 114 ادام جارالانعان. پالەستين مەن يزرايلدىڭ جاڭا كەزەكتى قاقتىعىسى تۋىلعاننان بەرى، يزرايلدىڭ گازا وڭىرىندەگى اسكەري ارەكەتىندە 35 مىڭنان استام پالەستيندىك ءولىپ، 78 مىڭنان استام ادام جارالاندى.

 

 گازا ءوڭىرىنىڭ ورتا بولەگىندەگى نۋسسەلايت قالاسىنىڭ ءمانساپتىلارى سول كۇنى مالىمدەمە جاريالاپ، قاجەتتى جانار زات تاپشىلعى سالدارىنان قۇدىق اينالىمى، لاس سۋدى ءبىر جايلى ەتۋ جانە قوقىر-قوقسىقتى تازالاۋ سياقتى نەگىزگى الەۋمەتتىك قىزمەت وتەۋ الداعى 48 ساعات ىشىندە توقتاتىلاتىندىعىن ەسكەرتتى. نۋسسەلايت قالاسىندا گازانىڭ جەر-جەرىنەن باس ساۋعالاپ كەلگەن 300 مىڭ بۇقارا بار، سوندىقتان كەز كەلگەن ۋاقىتتا ادامگەرشىلىك داعدارىس تۋىلۋى مۇمكىن. پالەستين تەلەگراف سەرىكتىگى سول كۇنى يزرايل ارمياسىنىڭ دامىلسىز سوققى بەرۋىندە گازانىڭ وڭتۇستىگىندەگى ينتەرنەت قىزمەت وتەۋىنىڭ توقتاپ قالعاندىعىن جاريالادى.

 

ا ق ش زۇڭتۇڭى بايدەن وسىدان بۇرىن گازا وڭىرىندە سوعىس توقتاتۋ پالەستين ءىسلام قارسىلىق قوزعالىسى حاماس ۇيىمىنىڭ يزرايلدىق بارىمتالاردى بوساتۋ-بوساتپاۋىمەن بايلانىستى دەدى. حاماس ۇيىمى 5-ايدىڭ 12-كۇنى مالىمدەمە جاريالاپ ، بۇل ءسوز سوعىستى توقتاتۋ كەلىسسوزىن كەرى شەگىندىردى ءارى اق ش-نىڭ يزرايلعا جان باسقاندىعىن جانە ءبىر رەت ىسپاتتادى. نيتانياحۋ جانە ونىڭ ۇكىمەتى كەلىسىمدى جوققا شىعاردى ءارى گازاداعى اسكەري ارەكەتتى كەڭەيتىپ، يزرايل ۇكىمەتىنىڭ سوعىسقۇمارلىعىن جانە بارىمتالاردىڭ ومىرىنە نەمقۇرايدى قاراعاندىعىن ونان ارى ءپاش ەتتى دەدى.

 

تۇركيا مەملەكەت اقپار مەكەمەسىنىڭ باستعى 5-ايدىڭ 12-كۇنى كاتاردىڭ استاناسى دوحادا حاماس ساياسي بيروسىنىڭ باسشىلارى مەن كەڭەستى . ەكى جاق گازا ءوڭىرىنىڭ ەڭ جاڭا جاعدايى، سوعىس توقتاتۋ كەلىسسوزىنىڭ اياق الىسى، ادامگەرشىلىك كومەك سياقتى ماسەلەلەر جونىندە تالقى وتكىزدى. ەكى جاق ءبىر اۋىزدان بىلاي دەدى: گازا وڭىرىندەگى سوعىس توقتاتۋ كەلىسسوزىنىڭ توقىراۋىنىڭ جاۋاپكەرشىلىگى يزرايلدا. كاتار ءامىرى تاميم 5-ايدىڭ 12-كۇنى ساپارلاي بارعان اق ش پارلامەنتى ۋاكىلدەر ۇيىرمەسىندەگىلەر مەن كەڭەستى. ەكى جاقتى قاتىناستان سىرت، ەكى جاق پالەستين-يزرايل جاڭا جاعدايى، پالەستين مەن يزرايلدىڭ قاقتىعىسىن تەز ارادا اياقتاتۋ ءۇشىن جۇرگىزگەن جاراستىرۋ قۇلشىنىسى سياقتى ماسەلەلەردى ءتۇيىندى تالقىلادى. 

 

اۋدارعان: كۇلان ىرىسباي قىزى