ينفورماتسيا اشكەرەلەۋ: mzjubao@cnr.cn

حالىقارالىق حابارلار

يران جوعارى دارەجەلى تەكسەرۋ گرۋپپاسىن قۇرىپ، تىك ۇشاق شىرعالاڭىنىڭ سەبەبىن تەكسەردى

来源:جۇڭگو قازاق راديو تورابى     |责编:巴特勒|     发布日期: 2024-05-21 14:32
ءوز حابارىمىز. جەرگىلىكتى ۋاقىت 5-ايدىڭ 19-كۇنى يراننىڭ كوپتەگەن جوعارى دارەجەلى ءمانساپتىلارى وتىرعان تىك ۇشاق يراننىڭ باتىس سولتۇستىك بولەگىندەگى شىعىس ازەربايجان ولكەسىندە شىرعالاڭعا ۇشىرادى، يراننىڭ زۇڭتۇڭى رايسي، يراننىڭ سىرتقى ىستەر مينيسترى ابدوللاحيان قاتارلى كوپتەگەن جوعارى دارەجەلى ءمانساپتىلار مەن ۇشاق قىزمەتكەرلەرى شىرعالاڭدا قازا بولدى. يران 5 كۇندىك الەۋمەتتىك ازا بىلدىرەدى.
 
 يراننىڭ قۇتقارۋ اترەتى تىك ۇشاق شىرعالاڭى تۋىلعان ناق مايدانعا بارىپ، يراننىڭ زۇڭتۇڭى رايسي، يراننىڭ سىرتقى ىستەر مينيسترى ابدوللاحيان قاتارلى تىك ۇشاقتاعى 8 ادامنىڭ تۇگەلدەي قازا بولعانىن تۇراقتاندىرعاننان كەيىن، يران مەديالارى مەن بۇقاراسى وراسان زور قايعىعا باتتى. يراننىڭ مەملەكەتتىك تەلەۆيزياسى زۇڭتۇڭ رايسي، سىرتقى ىستەر مينيسترى ابدوللاحيان قاتارلى قازا بولعانداردىڭ كوزى تىرىسىندەگى كەيبىر كورىنىستەردى قايتالاي تاراتىپ، ولاردى ەسكە الدى. يرانداعى نەگىزگى مەديالاردىڭ الەۋمەتتىك تەكشەلەرى بەلگىسىن تۇگەلدەي قارا، اق تۇسكە وزگەرتىپ، ازا ءبىلدىردى. كوپتەگەن بۇقارا تىلشىلىكتى قابىلداعاندا ەرەكشە قايعىرعاندىعىن، توسىن جاعدايدى قابىلداي المايتىندىعىن ءبىلدىردى، سونىمەن بىرگە رايسي قاتارلىلاردىڭ يرانعا قوسقان ۇلەسىنە دە العىس ايتتى.
 
 يراننىڭ زۇڭتۇڭى رايسي 5-ايدىڭ 19-كۇنى تىك ۇشاققا وتىرىپ شىعىس ازەربايجان ولكەسىنىڭ ورتالىعى دابىريسكە بارىپ، مۇناي-حيميا جالپىلىق قۇرىلعىلارىنىڭ سالىنىپ بولۋ سالتىنا قاتىناسقان، تىك ۇشاق جول بويىندا شىرعالاڭعا ۇشىراپ، شۇعىل قوندى. يران قارۋلى ءبولىمنىڭ باس شتاپ باستىعى باگاري جوعارى دارەجەلى ۋاكىلدەر ۇيىرمەسىن تىك ۇشاقتىڭ قۇلاۋ ۋاقيعاسىن تەكسەرۋگە جىبەردى.
 
 يران زۇڭتۇڭىنىڭ ورىنباسارى مانسۋري 5-ايدىڭ 20-كۇنى بىلاي دەدى: 5-ايدىڭ 21-كۇنى رايسيدىڭ سۇيەگىمەن قوشتاسۋ سالتى وتكىزىلەدى، 5-ايدىڭ 23-كۇنى ماشحادتا جەرلەۋ سالتى وتكىزىلەدى.
 يران زۇڭتۇڭىنىڭ ءبىرىنشى ورىنباسارى ماحبەر زۇڭتۇڭدىق مىندەتتى ۋاقىتشا اتقاردى. يران سىرتقى ىستەر مينيسترىنىڭ ورىنباسارى الي باگاري وسى ەلدىڭ ۋاقىتتىق سىرتقى ىستەر مينيسترى بولىپ تاعايىندالدى. يراننىڭ جاڭا كەزەكتى زۇڭتۇڭ سايلاۋى 6-ايدىڭ 28-كۇنى وتكىزىلەدى.
 
 رەسەي، پاكيستان، يراق، كاتار، وڭتۇستىك افريكا، فرانسيا سىرتقى ىستەر مينيسترلىگى، اراب ەلدەرى وداعىنىڭ باس حاتشىسى، ەۆروپا القالار كەڭەسىنىڭ ءتوراعاسى، ب م ۇ حاۋىپسىزدىك القالار كەڭەسى، ب م ۇ-نىڭ باس حاتشىسى سياقتى كوپ ەلدىڭ باسشىلارى مەن حالىقارالىق ۇيىمدار رايسي قاتارلىلاردىڭ قازا بولعاندىعىنا قايعىلى ازا ءبىلدىردى، قازا بولعانداردىڭ وتباسىنداعىلاردان جانە يران حالقىنان حال سۇرادى جانە ولارعا قولداۋ كورسەتتى. 
 
اۋدارعان: گۇلنۇر قابىلقاق قىزى
 

中央广播电视总台 央广网 版权所有

يران جوعارى دارەجەلى تەكسەرۋ گرۋپپاسىن قۇرىپ، تىك ۇشاق شىرعالاڭىنىڭ سەبەبىن تەكسەردى

يران جوعارى دارەجەلى تەكسەرۋ گرۋپپاسىن قۇرىپ، تىك ۇشاق شىرعالاڭىنىڭ سەبەبىن تەكسەردى، حالىقارالىق قوعام يراننىڭ زۇڭتۇڭى رايسي قاتارلىلاردىڭ باقىتقا قارسى قازا بولعاندىعىنا ازا ءبىلدىردى