ينفورماتسيا اشكەرەلەۋ: mzjubao@cnr.cn

حالىقارالىق حابارلار

يزرايل ءمانساپتىلارى يزرايل ارمياسىنىڭ سوعىس توقتاتۋ كەلىسىمى جوباسىنىڭ ءبىرىنشى ساتىسىندا قيمىلىن ۋاقىتشا توقتاتاتىندىعىن ايتتى

来源:جۇڭگو قازاق راديو تورابى     |责编:巴特勒|     发布日期: 2024-06-02 10:23
 ءوز حابارىمىز. يزرايلدىڭ ءبىر جوعارى دارەجەلى ءمانساپتىسى 6-ايدىڭ 1-كۇنى بىلاي دەدى: يزرايلدىڭ گازادا سوعىس توقتاتۋ كەلىسىمىن جاساۋ شارتى وزگەرمەيدى،بۇل پالەستين يسىلام قارسىلىق قوزعالىسى حاماس ۇيىمىنىڭ گازاداعى اسكەري جانە اكىمشىلىك قۋاتىن كۇيرەتۋ، تۇتقىنداعى بارلىق يزرايلدىقتاردى بوساتۋ، گازانىڭ بولاشاقتا يزرايىلعا حاۋىپ توندىرمەۋىنە كەپىلدىك ەتۋ قاتارلىلاردى قامتيدى .
وسى ءمانساپتى تاعى بىلاي دەدى: وسى رەت يزرايل جاڭادان ورتاعا قويعان سوعىس توقتاتۋ كەلىسىمى جوباسىنىڭءبىرىنشى ساتىسىندا يزرايل اسكەري ارەكەتتى ۋاقىتشا توقتاتادى، سونىمەن بىرگە ايەلدەردى، بالالاردى، قارتتاردى جانە ناۋقاستاردى قامتىعان نەشە ونداعان تۇتقىننىڭ بوساتىلۋىنا كەپىلدىك ەتەدى دەلىنگەن. ءبىرىنشى كەزەڭ باستالعاننان كەيىنگى 16 كۇن ىشىندە يزرايل مەن حاماس كەلىسىمنىڭ ەكىنشى كەزەڭى جونىندە كەلىسسوزدى اياقتاتادى ءارى يزرايل حاماس جاقتىڭ قاتىستى كەپىلدىگىنە يە بولعاننان كەيىن ەكىنشى كەزەڭدى باستايدى. ەگەر حاماس كەلىسىم تارماقتارىنا قايشىلىق جاساپ ەكى جاق كەلىسكەن ادامداردىڭ سانى بويىنشا ايىرباس جاساماسا نەمەسە يزرايل كەلىسسوزدىڭ ەشقانداي ماڭىزى جوق دەپ قاراسا، حاماس ۋاقىتتى كەشەۋىلدەتۋ ءۇشىن عانا بولسا، وندا يزرايل گازاعا اسكەري ارەكەتتى قالپىنا كەلتىرۋگە قاي-قاشان دا ۇقىقتى. گازا دەنساۋلىق ساقتاۋ تاراۋى 6-ايدىڭ 1-كۇنى : وسى رەتكى پالەستين مەن يزرايل قاقتىعىسىندا گازا وڭىرىندە 36 مىڭ 379 ادام قايتىس بولدى دەدى.
كاتار، ەگيپەت جانە ا ق ش 6-ايدىڭ 1-كۇنى بىرلەسكەن مالىمدەمە جاريالاپ بىلاي دەدى: گازادا سوعىس توقتاتۋ كەلىسسوزىنىڭ جاراستىرۋشىسى رەتىندە، گازا وڭىرىندەگى سوعىستى توقتاتۋدى، تۇتقىنداردى بوساتۋدى جەبەۋ ماقساتىندا، ءۇش ەل حاماس پەن يزرايلدى وسىدان بۇرىن جاريالانعان سوعىس توقتاتۋ كەلىسىمى جوباسىنىڭ مازمۇنى نەگىزىندە ەڭ سوڭعى سوعىس توقتاتۋ كەلىسىمىن جاساۋعا ۇندەدى. 
 
اۋدارعان: كۇلان ىرىسباي قىزى
 

中央广播电视总台 央广网 版权所有

يزرايل ءمانساپتىلارى يزرايل ارمياسىنىڭ سوعىس توقتاتۋ كەلىسىمى جوباسىنىڭ ءبىرىنشى ساتىسىندا قيمىلىن ۋاقىتشا توقتاتاتىندىعىن ايتتى

يزرايل ءمانساپتىلارى يزرايل ارمياسىنىڭ سوعىس توقتاتۋ كەلىسىمى جوباسىنىڭ ءبىرىنشى ساتىسىندا قيمىلىن ۋاقىتشا توقتاتاتىندىعىن ايتتى، كاتار، ەگيپەت جانە ا ق ش بىرلەسكەن مالىمدەمە جاريالاپ، ەڭ سوڭعى سوعىس توقتاتۋ كەلىسىمىن تۇراقتاندىرۋعا ۇندەدى