يزرايل ارمياسى يوردان وزەنىنىڭ باتىس جاعالاۋىندا پالەستيندىك ەكى ادامدى اتىپ ءولتىردى
来源:جۇڭگو قازاق راديو تورابى |责编:巴特勒| 发布日期: 2024-06-03 14:44
ءوز حابارىمىز. پالەستين دەنساۋلىق ساقتاۋ تاراۋى جەرلىك ۋاقىت 6-ايدىڭ 2-كۇنى بىلاي دەدى: 6-ايدىڭ 1-كۇنى تۇننەن 2-كۇنى تاڭعا دەيىن يزرايل ارمياسى يوردان وزەنىنىڭ باتىس جاعالاۋىنداعى جەريكو ماڭىنداعى اكبار جابار بوسقىندار لاگەرىنە شابۋىل جاسادى جانە پالەستيندىك ەكى ءوسپىرىمدى اتىپ ءولتىردى .
يزرايل ارمياسى بۇعان اڭىس قايتارىپ بىلاي دەدى: مالىمەتتە كورسەتىلۋىنشە، پالەستيندىك 2 ادام يزرايلداعى ەۆرەيلەر وتىرىقتانۋ تۇيىنىنە قوپارعىش زات لاقتىرعان، يزرايل ارمياسى وعان وق جاۋدىرىپ نساناعا ءدال تيگىزگەن.
گازا وڭىرىندەگى دەنساۋلىق ساقتاۋ تاراۋى بىلاي دەدى: پالەستين مەن يزرايلدىڭ جاڭا كەزەكتى قاقتىعىسى تۋىلعاننان بەرى، يزرايل ارمياسىنىڭ گازا وڭىرىندەگى اسكەري ارەكەتىندە 36 مىڭ 439 پالەستيندىك قازا بولىپ، 82 مىڭ 627 ادام جارالاندى.
كوپ ەل يزرايل مەن حاماس ۇيىمىن سوعىس توقتاتۋ كەلىسىمىنە قول قويۋعا ۇندەدى. ەگيپەتتىڭ جوعارى جىك قايراتكەرلەرى 6-ايدىڭ 2-كۇنى بىلاي دەدى، سول كۇنى كايرودا وتكىزىلگەن ەگيپەت حاۋىپسىزدىك ۋاكىلدەر ۇيىرمەسى، ا ق ش جانە يزرايل ۋاكىلدەر ۇيىرمەسى قاتىناسقان ءۇش جاق ءماجىلىسى اياقتادى. ەگيپەت ۋاكىلدەر ۇيىرمەسى ءوزىنىڭ بەرىك مايدانىن قايتالاي دارىپتەپ، يزرايل، ءسوز جوق، رافا وتكەلىنىڭ پالەستين جاعىنداعى ارمياسىن بۇكىلدەي شەگىندىرىپ، وسى وتكەلدىڭ قايتادان جۇمىس جۇرگىزۋىن قالپىنا كەلتىرۋى كەرەك دەپ قارادى. ەگيپەت ۋاكىلدەر ۇيىرمەسى : يزرايل جاق ادامگەرشىلىك كومەك زاتتارىنىڭ گازا وڭىرىنە جەتكىزىلمەۋىندە بارلىق جاۋاپكەرشىلىكتى ارقالايدى دەپ باسا دارىپتەدى.
مالديۆ مەملەكەت جەر بايلىعى حاۋىپسىزدىك مينيسترى يحۋساڭ 6-ايدىڭ 2-كۇنى بىلاي دەدى، مالديۆ ۇكىمەتى يزرايل ازاماتتارىنىڭ شەكارادان كىرۋىنە تيىم سالۋدى بەلگىلەدى، ءارى پالەستين ىستەرى جونىندەگى زۇڭتۇڭنىڭ ەرەكشە ەلشىسىن تاعايىنداۋ، جىلۋ جيۋ قيمىلىن وتكىزۋ، مەملەكەتتىك جينالىس وتكىزۋ سياقتى تاسىلدەرمەن پالەستيندى قولداۋدى ۇيعاردى.
يزرايل سىرتقى ىستەر مينيسترلىگى سول كۇنى مالىمدەمە جاريالاپ ، يزرايل ازاماتتارىنىڭ مالديۆقا بارماۋىن ءارى قازىر مالديۆتاعى يزرايل ازاماتتارىنىڭ ەلگە قايتۋىن ۇسىنىس ەتتى.
اۋدارعان: كۇلان ىرىسباي قىزى