يەمەن قۇساي قارۋلى كۇشتەرى يزرايلدىڭ ەيرات قالاسىنا تۇتقيىل شابۋىل جاساعاندىعىن ايتتى
来源:جۇڭگو قازاق راديو تورابى |责编：巴特勒| 发布日期: 2024-06-04 15:35
ءوز حابارىمىز. يزرايل مەملەكەت قورعانىس ارمياسى جاعى 6-ايدىڭ 3-كۇنى بىلاي دەپ حابارلاندىردى: يزرايل ارمياسى گازا ءوڭىرىنىڭ كوپتەگەن جەرلەرىندە جالعاستى اسكەري ارەكەت جۇرگىزدى. وتكەن ءبىر كۇن ىشىندە يزرايل ارمياسىنىڭ سوعىس ايروپلاندارى قارۋ-جاراق قامباسى سياقتىلاردى قامتىعان 50 نەشە نىساناعا اۋەدەن شابۋىل جاسادى. رافا قالا رايونىندا يزرايل ارمياسى باعتتامالى اسكەري ارەكەتىن جالعاستى جۇرگىزدى. گازا رايونىنىڭ ورتا بولەگىندە يزرايل ارمياسى يزرايل ارمياسىنا تورۋىلداپ سوققى بەرمەكشى بولعان جانە راكاتا اتقان پالەستين قارۋلىلارىن اتىپ ءولتىردى.
پالەستين يسىلام قارسىلىق قوزعالىسى حاماسقا قاراستى قارۋلى توپ حاسان بريگاداسى جاعى 6-ايدىڭ 3-كۇنى بىلاي دەپ مالىمدەمە جاريالادى: حاسان بريگاداسى گازانىڭ وڭتۇستىىگىندەگى رافا جانە گازا قالاسى قاتارلى جەرلەردە يزرايل ارمياسىمەن قاقتىعىسىپ قالدى. بۇدان سىرت، پالەستين جاق بىلاي دەپ حابارلادى: يزرايل ارمياسىنىڭ 6-ايدىڭ 3-كۇنى گازاداعى كوپتەگەن جەرلەردى بومبىلاۋىندا از دەگەندە 26 ادام قازا بولدى.
ساققۇلاقتار بىلاي دەپ حابارلادى: پالەستين يسىلام قارسىلىق قوزعالىسى حاماس 6-ايدىڭ 4-كۇنى ەگيپەتتىڭ استاناسى كايروعا ۋاكىلدەر ۇيىرمەسىن جىبەرىپ، يزرايل العا قويعان بارىمتالاردى اۋىستىرۋ جانە گازادا سوعىس توقتاتۋ كەلىسىمى جاڭا جوباسى جونىندە قاتىستى جاراستىرۋشى جاقتارمەن كەڭەس وتكىزەدى. بىراق كەزەكتە حاماس بۇل حاباردى ءالى راستاعان جوق.
ب م ۇ-نىڭ 20 نەشە مامانى 6-ايدىڭ 3-كۇنى شۆەتساريانىڭ جەنەۆا قالاسىندا بىرلەسكەن مالىمدەمە جاريالاپ، بارلىق ەلدەردى پالەستين مەملەكەتىن مويىنداۋعا ۇندەدى. ماماندار بىلاي دەدى: پالەستين مەملەكەتىنىڭ پالەستين مەن تۇتاس ورتا شىعىس رايونىنىڭ باياندى بەيبىتشىلىكتى جۇزەگە اسىرۋىنىڭ شەشۋشى شارتى ەكەنىن مويىنداۋ كەرەك. ماماندار گازا وڭىرىندە سوعىستى توقتاتۋدى دەرەۋ جاريالاۋعا، سونداي-اق گازا ءوڭىرىنىڭ وڭتۇستىگىندەگى قالالارعا ەندىگارى اسكەري شابۋىل جاساماۋعا ۇندەدى.
جەرلىك ۋاقىت 6-ايدىڭ 3-كۇنى كەشتە يەمەن حۋساي قارۋلى كۇشتەرىنىڭ اسكەري جاق مالىمدەمەشىسى ءسوز سويلەپ بىلاي دەدى: حۇساي قارۋلى كۇشتەرى سول كۇنى وق جولىندىق باسقارىلمالى بومبى ارقىلى يزرايلدىڭ وڭتۇستىگىندەگى ەيرات پورت قالاسىنا تۇتقيىل شابۋىل جاسادى. وسى مالىمدەمەشى تاعى بىلاي دەدى: حۋساي قارۋلى كۇشتەرى ارەكەت بارىسىندا تۇڭعىش رەت پالەستين اتتى جاڭاشا وق جولىندىق باسقارىلمالى بومبى اتىپ، نىساناعا ءدال تيگىزدى.
سيريا ارمياسى جاعى 6-ايدىڭ 3-كۇنى بىلاي دەپ مالىمدەمە جاريالادى: يزرايل سول كۇنى تاڭ سارىدە سيريانىڭ سولتۇستىگىندەگى الەپپو قالاسىنىڭ ماڭىنداعى كوپتەگەن جەرلەرگە اۋە شابۋىل جاساپ، كوپتەگەن ادامدار قازا بولدى. حابارعا قاراعاندا، يران ءىسلام توڭكەرىستىك قورعانىس قوسىنىنىڭ سيريادا تۇراتىن اسكەري اقىلشىسى اۋە شابۋىلىندا قازا بولعان.
اۋدارعان: قاناتبەك جۇماباي ۇلى
