ءوز حابارىمىز. رەسەي مەن ۋكراينا 8-ايدىڭ 26-كۇنى ءوزارا كەڭ كولەمدى اۋە شابۋىلىن قوزعادى. ۋكراينانىڭ بارلىق جەرىندە ەلەكتر توقتاپ، رەسەيدىڭ كوپتەگەن نەگىزدىك قۇرىلعىلارى زيانعا ۇشىرادى.

 رەسەي مەملەكەت قورعانىس مينيسترلىگىنىڭ 8-ايدىڭ 26-كۇنگى حابارىنا قاراعاندا، رەسەي ارمياسىنىڭ اۋە قورعانىس جۇيەسى سول كۇنى كۋرسكي وبىلىسى مەن قارا تەڭىز سۋ ايدىنىنىڭ كەڭىستىگىندە ۋكراينا ارمياسىنىڭ ءبىر ۇشقىشسىز ۇشاعىن اتىپ تۇسىرگەن. ساراتوۆ وبىلىسى، بەلگورود وبلىسى، بريانسكي وبلىسى، تۋلا وبلىسى سياقتى جەرلەردە ۋكراينا ارمياسىنىڭ 20 ۇشقىشسىز ۇشاعى اتىپ ءتۇسىرىلدى.

 ۋكراينانىڭ زۇڭتۇڭى زەلەنسكي سول كۇنى ەڭ جوعارى قولباسشىلىق شتاپتىڭ ءماجىلىسىن اشىپ، ەنەرگيا قۇرىلعىلارىن قالپىنا كەلتىرۋ سياقتى ماسەلەلەردى تالقىلادى. ول بىلاي دەدى: رەسەي ارمياسى سول كۇنى ۋكرايناعا 2022-جىلى 2-ايدان بەرگى ەڭ زور كولەمدى شابۋىل قوزعادى. ۋكراينا جاقتىڭ حابارىنا نەگىزدەلگەندە، شابۋىلدا 7 ادام قازا بولىپ، 47 ادام جارالانعان.

 حالىقارالىق اتوم ەنەرگيا قۇرىلىمىنىڭ باس ءىس جۇرگىزۋشىسى گروسي 8-ايدىڭ 26-كۇنى: حالىقارالىق اتوم ەنەرگيا قۇرىلىمىنىڭ ۋاكىلدەر ۇيىرمەسىن باستاپ 8-ايدىڭ 27-كۇنى رەسەيدىڭ كۋرسكي يادرو ەلەكتر ستانسياسىندا ساپاردا بولاتىندىعىن جاريالادى.

 

اۋدارعان: گۇلنۇر قابىلقاق قىزى