يزرايل ارمياسى يوردان وزەنىنىڭ باتىس جاعالاۋىنداعى قالالاردا ۇزدىكسىز اسكەري ارەكەت ورىستەتتى، كوپ جاق مۇنى قاتاڭ جازعىردى
来源:جۇڭگو قازاق راديو تورابى |责编：达吾力别克 | 发布日期: 2024-08-29 17:22
ءوز حابارىمىز. پالەستين دەنساۋلىق ساقتاۋ تاراۋلارى 8-ايدىڭ 29-كۇنى يزرايلدىڭ يوردان وزەنىنىڭ باتىس جاعالاۋىنداعى جەنين جانە تۋباستاعى ارەكەتىندە 11 ادام قازا بولىپ، 20 نەشە ادامنىڭ جارالانعاندىعىن جاريالادى. بىلتىر 10-ايدىڭ 7-كۇنى پالەستين-يزرايل قاقتىعىسى باستالعاننان بەرى، يوردان وزەنىنىڭ باتىس جاعالاۋىندا 663 ادام قازا بولىپ، مولشەرمەن 5600 دەي ادام جارالاندى.
يزرايل ارميا جاعى جەرگىلىكتى ۋاقىت 8-ايدىڭ 28-كۇنى: يزرايل ارمياسى يوردان وزەنىنىڭ باتىس جاعالاۋىنداعى جەنين قالاسى جانە تۇلكارىم قاتارلى جەرلەردە كەڭ كولەمدى اسكەري قيمىل ورىستەتتى،-دەدى. قازىرگە دەيىن ب م ۇ-نىڭ ادامدىق ۇقىق ىستەرى جونىندەگى جوعارى دارەجەلى ارناۋلى ءىس باسقارماسى، اراب ەلدەرى وداعى سياقتى حالىقارالىق ۇيىمدار، سونداي-اق ەگيپەت، يوردانيا، پالەستين ەلدەرى يزرايلدىڭ ارەكەتىن جازعىردى نەمەسە ەسكەرتۋ بەردى.
ب م ۇ حاۋىپسىزدىك القالار كەڭەسى 8-ايدىڭ 28-كۇنى تولىق داۋىسپەن قاۋلى ماقۇلداپ، ب م ۇ-نىڭ ليۆاندا تۇراتىن ۋاقىتتىق اسكەري ءبولىمىنىڭ ليۆانداعى بەيبىتشىلىكتى قورعاۋ مىندەتىن 2025-جىلى 8-ايدىڭ 31-كۇنىنە دەيىن ۇزارتتى.
اۋدارعان: گۇلنۇر قابىلقاق قىزى
