ءوز حابارىمىز. 8-ايدىڭ 30-كۇنى، رەسەيدىڭ بەلگرود وبلىسىنىڭ باستىعى وسى كۇنى كەشتە بەلگرود وبلىسىنىڭ ۋكراينا قارۋلى بولىمدەرىنىڭ راكەتا بومبىسىنىڭ شابۋىلىنا ۇشىراپ، 5 ادام قازا بولىپ، 37 ادام جارالانعاندىعىن ايتتى. ۋكراينانىڭ زۇڭتۇڭى زەلەنسكي 8-ايدىڭ 30-كۇنى بۇيرىققا قول قويىپ، ۋكراينا اۋە ارمياسىنىڭ قولباسشىسى نيكولاي ورەتسيۋكتى مىندەتىنەن قالدىردى. بۇدان بۇرىن ۋكراينا اۋە ارمياسىنىڭ F-16 تۇرپاتتى ءبىر سوعىس ايروپلانى رەسەي ارمياسىنىڭ باسقارىلمالى بومبىمەن شابۋىلداۋىنا توتەپ بەرۋ بارىسىندا قيراپ، بۇدان 1 ۇشقىش قازا بولعان.