ءوز حابارىمىز. يزرايل ارمياسى جەرلىك ۋاقىت  9-ايدىڭ 13-كۇنى گازا ءوڭىرىنىڭ كوپ جەرىنە اۋەدەن شابۋىل جاسادى. گازا قالاسىنىڭ وڭتۇستىك بولەگىندەگى زايتون رايونىندا يزرايل ارمياسى ءبىر تۇرعىندار بيناسىنا شابۋىل جاساپ، پالەستيننەن 3 ادام قازا بولدى. يزرايل جاقتىڭ  گازا رايونىنىڭ ورتا بولىمىندەگى نۇسايرايت بوسقىندار لاگەرىنە جاساعان شابۋىلىنان بىر ايەل جانە بىر بالانى قامتىعان 3 ادام قازا بولدى، گازا ءوڭىرىنىڭ وڭتۇستىگىندەگى حانيۋنيستىڭ ماۆاش وڭىرىندە يزرايل ارمياسى پاناسىز قالعانداردىڭ ءبىر لاگەرىن بومبىلاپ، ءبىر ادام ولدى، 6 ادامدى جارالادى. 

 

ب م ۇ  جينالىسى ءتوراعالار كەڭسەسىنىڭ جاۋاپتىسى 9-ايدىڭ 13-كۇنى: سيريا، ماۆريتانيا جانە ۋگاندانىڭ تالابىنا ساي، بىرلەسكەن مەملەكەتتەر ۇيىمىنىڭ جينالىسى 9-ايدىڭ 17-كۇنىنەن باستاپ 10-رەتكى شۇعىل ەرەكشە ءماجىلىسىن قالپىنا كەلتىرىپ، پالەستين-يزرايل ماسەلەسىن تالقىلايتىن بولدى دەدى.

 

  ب م ۇ-نىڭ جينالىسىندا 1950-جىلى قابىلدانعان قاتىستى قاۋلىعا ساي، كەلەلى حالىقارالىق وقيعالار تۋىلعان كەزدە، ەگەر حاۋىپسىزدىك القالار كەڭەسىندە تۇراقتى القا ەلدەر ءبىر اۋىزدىققا كەلە الماي، حالىقارالىق بەيبىتشىلىك پەن حاۋىپسىزدىكتى قورعاۋداعى ماڭداي الدى جاۋاپكەرشىلىگىن وتەۋگە شاراسىز قالعان كەزدە، ب م ۇ-نىڭ جينالىسى دەرەۋ شۇعىل ەرەكشە ءماجىلىسىن اشىپ ءوسى ىستى قارايدى.

 

  10-رەتكى شۇعىل ەرەكشە ءماجىلىستىڭ ءبىرىنشى ءماجىلىسى 1997-جىلى 4-ايدا كاتاردىڭ بىرلەسكەن مەملەكەتتەر ۇيىمىنداعى تۇراقتى ۋاكىلىنىڭ وتىنىشىنە ساي اشىلعان بولاتىن. بىلتىر 10-ايدىڭ 7-كۇنى جاڭا ءبىر كەزەكتى پالەستين-يزرايل قاقتىعىسى تۋىلعاننان كەيىن، 10-رەتكى شۇعىل ەرەكشە ءماجىلىسى تالاي رەت قايتادان اشىلدى.

 

اۋدارعان: نازار ءارىپ ۇلى