ءوز حابارىمىز. يزرايلدىڭ زۇڭليى نيتانياحۋ جەرگىلىكتى ۋاقىت 10-ايدىڭ 17-كۇنى كەشتە قىسقا كەسكىن ءسوزىن جاريالاپ، حاماس باسشىسى سينۋاردى يزرايل ارمياسىنىڭ اتىپ ولتىرگەندىگىن، يزرايل جاقتىڭ مىندەتىنىڭ ءالى اياقتالماعانىن، يزرايلدىق بارىمتالار بوساتىلعانعا دەيىن جالعاستى ارەكەت قولداناتىندىعىن ايتتى.

 

ا ق ش زۇڭتۇڭى بايدەن 10-ايدىڭ 17-كۇنى تۇستەن كەيىن مالىمدەمە جاريالاپ بىلاي دەدى: DNA تەكسەرۋ ارقىلى حاماستىڭ باسشىسى سينۋاردىڭ ولگەندىگى دالەلدەندى، حاماس ۇيىمى «7-قازان شابۋىلىن» تاعىدا قوزعاۋ قابىلەتىنە يە ەمەس. يزرايلدىڭ زۇڭليى نيتانياحۋمەن تەز ارادا تەلەفوندا سويلەسىپ، بارىمتالاردى قالاي الىپ قايتۋدى ءارى بۇل سوعىستى ءبىر جولدا-اق اياقتاتۋدى اقىلداسامىن.

 

يزرايلدىڭ سوعىس ايروپلاندارى 10-ايدىڭ 17-كۇنى پاليستەننىڭ گازا قالاسىنىڭ ورتا بولەگىندەگى ماجياچي بوسقىندار لاگەرىندەگى ءبىر ءۇيدى بومبىلاپ، بالالاردى قامتىعان 10 ادام ءولدى.

 

حاماستىڭ اقپارات قۇرالدارى كەڭسەسى سول كۇنى مالىمدەمە جاريالاپ بىلاي دەدى: يزرايل قورعانىس ارمياسى گازانىڭ سولتۇستىگىندەگى بوسقىندار تۇراتىن ءبىرقانشا مەكتەپكە تۇتقيىل شابۋىل جاساپ، 28 ادام ءولىپ، 160 ادام جارالاندى. پالەستيننىڭ گازا وڭىرىندەگى دەنساۋلىق ساقتاۋ تاراۋى 10-ايدىڭ 17-كۇنى بىلاي دەدى: يزرايل ارمياسى گازا ءوڭىرىنىڭ سولتۇستىگىن ءۇرتىس 13 كۇن قورشاۋعا العاندىقتان، جەرگىلىكتى ورىننىڭ جانار زات، ءدارى-دارمەك جانە باسقا دا ەمدەۋ بۇيىمدارى تاپشى بولىپ تىعىرىققا تىرەلدى، قازىر كامال ادۆان شيپاحاناسىنداعى جاڭا تۋعان نارەستەلەرگە حاۋىپ ءتونىپ تۇر، بۇل شيپاحانا گازا ءوڭىرىنىڭ سولتۇستىگىندەگى بالالار مەن جاڭا تۋعان نارەستەلەر جان ساقتاۋ ءبولىمى بار بىردەن-ءبىر شيپاحانا.

 

يزرايل ارمياسى 10-ايدىڭ 17-كۇنى تۇستەن بۇرىن شەگىنۋ بۇيرىعىن جاريالاپ، ليۋاننىڭ شىعىس بولەگىندەگى ءبىر قانشا عيماراتتاعى تۇرعىنداردى تەزدەن شەگىندىرىپ شىعۋىن تالاپ ەتتى ءارى يزرايل ارمياسى تاياۋ ماڭعا ورنالاسقان ليۋان ءتاڭىر پارتياسىنىڭ قۇرىلعىلارىنا سوققى بەرەدى دەدى. يزرايل ارمياسى «شەگىنۋ بۇيرىعىن» جاريالاپ شامامەن ءبىر ساعات وتكەننەن كەيىن، يزرايل ارمياسى جەرگىلىكتى ورىنعا اۋەدەن شابۋىل جاسادى. سول كۇنى تۇستەن كەيىن يزرايل ارمياسى تاعى دا شەگىنۋ بۇيرىعىن جاريالاپ، ليۆاننىڭ وڭتۇستىگىندەگى تير قالاسىنداعى تۇرعىنداردان تەز ارادا شەگىنۋدى تالاپ ەتتى ءارى يزرايل ارمياسى جەرگىلىكتى ورىنعا تەز ارادا ارەكەتكە كەلەدى،-دەدى.

 

123 مەملەكەتتىڭ ب م ۇ-داعى تۇراقتى ۋاكىلى 10-ايدىڭ 17-كۇنى بىرلەسكەن تىلشىلەر جينالىسىن وتكىزىپ، يزرايل پارلامەنتىنە زاڭ شىعارۋ جوباسىن ماقۇلداپ، ب م ۇ-نىڭ تاياۋ شىعىس قۇتقارۋ قۇرىلىس باسقارماسىنىڭ جۇمىس جۇرگىزۋىنە تيىم سالىپ، بۇل نەشە ميلليون پالەستين حالقىنا ءتىپتى دە اۋىر ادامگەرشىلىك اپات اكەلەدى دەپ ەسكەرتتى. يەمەننىڭ سولتۇستىگىندەگى سادا ولكەسى 10-ايدىڭ 17-كۇنى تۇندە ا ق ش ارمياسىنىڭ اۋە شابۋىلىنا ۇشىرادى. ا ق ش ورتالىق قولباسشىلىق شتابى وسىدان كەيىن بىلاي دەدى: ا ق ش ارمياسى سول كۇنگى اۋە شابۋىلىندا تۇڭعىش رەت B-2 رادارعا تۇسپەيتىن بومبىلاۋشى ايروپلاندى ىسكە قوستى، مۇنداعى ماقسات حۋساي قارۋلى كۇشتەرىنىڭ باسقارىلمالى بومبى جانە باسقا دا قارۋ-جاراقتاردى ساقتايتىن جەر استى ارمياسىنىڭ قارۋ-جاراق قويماسىن تالقانداپ، حۋساي قارۋلى اسكەري قۋاتىن السىرەتۋ.

 

اۋدارعان: كۇلان ىرىسباي قىزى

 

​