ءوز حابارىمىز. ليۆانداعى بەيرۋت قالاسىنىڭ وڭتۇستىگىنە ورنالاسقان جينا رايونى جەرگىلىكتى ۋاقىت 10-ايدىڭ 21-كۇنى كەشتە يزرايل ارمياسىنىڭ اۋە شابۋىلىنا ۇشىراپ، 4 ادام قازا بولىپ، 24 ادام جارالاندى. وسىدان ىلگەرى يزرايل ارمياسىنىڭ مالىمدەمەشىسى تۇرعىندارعا كوپ رەت شەگىنىپ شىعۋ بۇيرىعىن جاريالاپ، بەيرۋت قالاسىنىڭ وڭتۇستىك ماڭىنداعى ءبىر ءبولىم بەلگىلەنگەن رايونداعى تۇرعىنداردان تەزىرەك كەتۋدى تالاپ ەتتى.

 

 يزرايل ارمياسى 10-ايدىڭ 21-كۇنى ليۆاننىڭ وڭتۇستىك بولەگىندە جالعاستى ارەكەت ورىستەتتى، وسى بارىستا ليۆان ءتاڭىر پارتياسىنىڭ ءبىر قارۋ-جاراق قامباسىن بايقاپ كۇيرەتتى، قامبادا نەشە ونداعان راكەتا بومبىسى، مينومەت، پليموت، پارتىلاتۋ جابدىعى جانە باسقادا جابدىقتار بار. ليۆان ءتاڭىر پارتياسى بىلاي دەدى: قارۋلىلارىمىز يزرايل ارمياسىنىڭ نىسانالارىن كوزدەپ كوپ رەت ارەكەت جاسادى ءارى يزرايلدىڭ ءبىر ۇشقىشسىز ۇشاعىن اتىپ ءتۇسىردى. 

 

10-ايدىڭ 21-كۇنى تۇننەن باستاپ، يزرايل ارمياسىنىڭ گازا وڭىرىندەگى اسكەري ارەكەتىندە 57 ادام قازا بولدى، بۇلاردىڭ 44 ى گازانىڭ سولتۇستىك بولەگىنە شوعىرلانعان. 

 

سيريا ارميا جاعىنىڭ حابارىنا قاراعاندا، يزرايل 10-ايدىڭ 21-كۇنى تۇستەن كەيىن سيريانىڭ استاناسى داماسكى قالاسىنىڭ ماي زاي رايونىندا ءبىر حالىقتىق اۆتوموبيلگە اۋەدەن شابۋىل جاساپ، 2 جاي بۇقارانى ءولتىرىپ، 3 ادامدى جارالاعان. يزرايل ارمياسىنىڭ مالىمدەمەشىسى سول كۇنى سيريادا اۋەدەن شابۋىل جاساعاندىقتارىن ىراستادى، كوزدەگەن نىساناسى-ليۆان ءتاڭىر پارتياسى فينانس تاراۋىنىڭ جاۋاپتىسى، وسى تاراۋ يراننىڭ ناق اقشاسىن ءتاڭىر پارتياسىنا جەتكىزىپ بەرۋگە جاۋاپتى. يزرايل ارمياسىنىڭ يەلەگەن اقپارىنا قاراعاندا، ليۆان ءتاڭىر پارتياسىنىڭ نەگىزگى ەكونوميكالىق قاينارى يران بولۋدان سىرت، «كادحاسان قوعامى» ارقىلى ليۆان ازاماتتارىنىڭ قارجىسىنان پايدالانىپ قيمىل جۇرگىزگەن. يزرايل مەملەكەت قورعانىس مينيسترلىگى سول كۇنى ليۆان ءتاڭىر پارتياسىنا قاراستى فينانس قۇرىلىمى بولعان «كادحاسان قوعامىن» تەررورشىل ۇيىم جانە ليۆان ءتاڭىر پارتياسىنىڭ ءبىر تارماعى دەپ جاريالادى. بۇدان سىرت، جەحات ۇيىمى وسى ۇيىم باس حاتشىسىنىڭ سول كۇنى كەشتە داماسكىدە شابۋىلعا ۇشىراپ قازا بولعاندىعى جايلى حاباردى تەرىسكە شىعاردى.

 

اۋدارعان: امانتاي مۇسايىپ ۇلى