ءوز حابارىمىز. «بىرلەسكەن مەملەكەتتەر ۇيىمىنىڭ شولەيتتەنۋدەن ساقتانۋ جانە تىزگىندەۋ شارتىنىڭ» 16-رەتكى شارتتاسۋشى جاقتار جينالىسى جەرگىلىكتى ۋاقىت 12-ايدىڭ 2-كۇنى ساۋدي ارابيانىڭ استاناسى ريادتا اشىلدى، «عاسىر اتتاعان ءۇش سولتۇستىك قورعانىس ورمان ينجەنەرياسى-جاڭا داۋىردەگى جۇڭگو امالياتى» تاقىرىبىنداعى كورمە «جۇڭگو سارايىندا» اشىلدى.

 

جالپى كولەمى 608 شارشى مەتر كەلەتىن جۇڭگو سارايى جينالىستىڭ وتاعاسى ەلىنەن كەيىنگى ەڭ ۇلكەن مەملەكەتتىك تاقرىپتىق كورمە ساراي بولدى. مەملەكەتتىك ورمان جايلىم مەكەمەسىنىڭ باستىعى گۋان جى وۋ بىلاي دەدى: بىلتىر 6 ايدا جۇڭگو «ءۇش سولتۇستىك قورعانىس ورمان ينجەنەرياسىنان» قامال الۋ شايقاسىن باستادى، قازىر 3 ميلليون 800 مىڭ گەكتار جەردەگى قۇمدى تىزگىندەۋ مىندەتىن ورىنداپ بولدى. 1978-جىلدان باستاپ قۇمايتتانۋدىڭ الدىن الۋ، قۇمايت جەرلەردى وڭاۋدى ءتۇيىن ەتكەن «ءۇش سولتۇستىك قورعانىس ورمان» ينجەنەرياسى اتقارىلىپ، 46 جىلدان بەرى 33 ميلليون 330 مىڭ گەكتار قۇمايتتانعان جەر، 85 ميلليون 330 مىڭ گەكتار تۇياق كەستى بولعان جايىلىم وڭالىپ، ورمان وسىرىلگەن جەر كولەمى 32 ميلليون گەكتارعا جەتتى. جۇڭگو قۇمايتتانۋدىڭ الدىن الۋ، قۇمايت جەرلەردى وڭاۋدا دۇنيەنى جالت قاراتقان تابىستارعا قول جەتكىزدى.

 

 بيىل «ءۇش سولتۇستىك قورعانىس ورمان» ينجەنەرياسىنان قامال الۋ شايقاسى باستالعاندىعىنىڭ ءبىر جىلدىعى، سونداي-اق ەلىمىزدىڭ «بىرلەسكەن مەملەكەتتەر ۇيىمىنىڭ شولەيتتەنۋدەن ساقتانۋ جانە ونى تىزگىندەۋ شارتىنا» قول قويعاندىعىنىڭ 30 جىلدىعى. گۋان جى وۋ بىلاي دەدى: «شارتقا» قاتىناسقان 30 جىلدان بەرى، ەلىمىز جاۋاپكەرشىلىك پەن بورىشتى مۇقيات اتقارىپ، عالامدىق شولەيتتەنۋدى جونگە سالۋعا بەلسەنە ات سالىسىپ، 2030 جىلعا دەيىنگى بۇكىل جەر شارىنداعى جەردىڭ تۇياق كەستىلگىن جويۋ مەن « 20 ەل توبىنىڭ جەردىڭ تۇياق كەستى بولۋىن توقتاتۋ دارىپتەمەسى» سىندى بولاشاقتىق نىسانانى جۇزەگە اسىرۋعا اقىل پاراساتى مەن كۇش قۋاتىن ارنادى.

 

گۋان جى وۋ بىلاي دەدى: جۇڭگو اراب بىرىككەن امىرلىگى، جۇڭگو موڭعۇليا شولەيتتەنۋدەن ساقتانۋ جانە ونى جونگە سالۋ ورتالىعى، موڭعۇليا، ورتا ازيا، افريكا سياقتى جەرلەردە ۇلگى كورسەتۋ بازاسى قۇرىلىپ، تەحنيكالىق تاربيەلەۋ مەن تاجىريبەلەردەن ورتاق يگىلىكتەنۋ كۇشەيتىلىپ، دامۋ جولىنداعى ەلدەردىڭ شولەيتتەنۋدەن ساقتانۋ جانە تىزگىندەۋ قابىلەتى مەن دەڭگەيى جوعارىلاتىلدى. ءبىز ادامزاتتىڭ تاعدىرلاس ورتاق تۇلعاسى تانىمىن ۇستانىپ، حالىقارالىق قوعاممەن قول ۇستاسا وتىرىپ «ب م ۇ-نىڭ شولەيتتەنۋدەن ساقتانۋ جانە تىزگىندەۋ شارتىنىڭ» 16-رەتكى شارتتاسۋشى جاقتار جينالىسىنىڭ بەلسەندى تابىستارعا قول جەتكىزۋىن جەبەيمىز. 

 

اۋدارعان: كۇلان ىرىسباي قىزى